बघिनी र सिंहिनी स्याहार्दै प्रियंका

भिडियो हेर्नको माथि को बक्स मा डबल क्लिक गर्नु होस्

बलिउडकी देशी गर्ल प्रियंका चोपडा जंगली जनावरलाई माया गर्न माहिर छिन् । जनावरप्रतिको यही क्रेजका कारण केही समयअघि दुर्गा नामक बघिनीलाई आफूकहाँ लगेर चर्चामा आएकी उनले हालैमात्र राँचीको बिरसा मुंडा चिडियाघरमा रहेको एक सिंहिनीलाई संरक्षणका लागि लिएकी छन् । ‘हामीलाई प्रियंका चोपडा फाउन्डेसनबाट २ लाखको चेक प्राप्त भएको छ,’ चिडियाघरका एक सदस्यले भारतीय सञ्चारमाध्यमसँग भनेका छन्– ‘उनले सुन्दरी नामकी सिंहिनीलाई आफूसँग राखेकी छन् ।’ सञ्चारमाध्यमका अनुसार प्रियंकाले सिंहिनीलाई ३० अप्रिल २०१३ सम्म मात्र आफूसँग राख्न पाउनेछिन् । दुर्गा बघिनीको समय अवधि ३० अप्रिलमा सकिएपछि उनले सिंहिनी राखेकी हुन् । ‘मैले जनावरको पालनपोषण र जनमानसमा वन्यजीवनका बारेमा जागरुकता ल्याउनका लागि जनावर राख्ने गरेको हुँ,’ प्रियंकाले भनेकी छन्– ‘जनावरप्रति आम मानिसको नकारात्मक भावनालाई हटाउन पनि यो काम सफल हुन्छ भन्नेमा म विश्वस्त छु ।’