नग्न चित्र बनाउनेलाई फ्यानको पिटाइ

भिडियो हेर्नको माथि को बक्स मा डबल क्लिक गर्नु होस्

बलिउड अभिनेत्री विद्या वालन, पाकिस्तानी नायिका विना मलिक र किङफिसर मोडल पुनम पाण्डेको नग्न तर कामुक चित्र बनाउने एक पेन्टरले त्यही चित्रका कारण कुटाइ खाएका छन् । प्रणव प्रकाश नामका ती पेन्टरले भारतको नोयडा राज्यमा नायिकाहरूको तस्वीरको प्रदर्शन गरिरहेका बेला तीनै नायिकाका फ्यानले रिसको झोकमा पेन्टरलाई राम धुलाइ गरेका हुन् । प्रदर्शनी हेर्न गएका एक चित्रकारका अनुसार प्रदर्शनीमा पाँच युवा प्रवेश गरेर प्रणवलाई कुटपिट गर्दै सबै तस्वीर च्यातिदिएका थिए । ‘भारतीय संस्कृतिविरुद्ध चित्र बनाएको भन्दै नाराबाजी गरेर कुटे,’ ती पेन्टरले भने– ‘आफ्ना स्टारको रूपलाई दुरूपयोग गरेको उनीहरूको भनाइ थियो ।’ प्रणवले विद्याको द डर्टी पिक्चरको तस्वीरमाथि एक मार्केटिङ शिक्षकको रूप दिँदै अभद्र किसिमको चित्र बनाएका थिए । त्यस्तै पुनमको नग्न तस्वीर बनाएर भारतको झन्डा बोकी अन्ना हजारेको टोपी लगाएर भ्रष्टाचारविरुद्ध आवाज उठाएको झल्को दिएका थिए । विनाको पनि नग्न तस्वीर बनाई उनको पेटमा पाकिस्तानी झन्डा राखिएको थियो । यसअघि ओसामा विन लादेनसँगको बेडसिनमा अरुन्धती रोयलाई नग्न तस्वीर बनाएर चर्चामा आएका प्रवणले आफूले आर्टिस्टिक फ्रिडमको थिममा चित्र कोरेको दाबी गरेका छन् ।