भिडियो हेर्नको माथि को बक्स मा डबल क्लिक गर्नु होस्
काठमाडौ, चैत्र १५ - एमालेका नेता माधवकुमार नेपालले निर्वाचन असारमै गर्नु पर्ने बताएका छन् । सानादलहरुलाई समेत समेटेर निर्वाचनको मिति असारमै तोक्नुपर्ने बताउँदै नेपालले 'कारणबस नसकिए कात्तिक उपयुक्त हुने'बताए । विराटनगर विमानस्थलमा संचारकर्मीसँग कुरा गर्दै नेपालले असार मौसमका कारण निर्वाचन गर्न उपयुक्त नभएपनि भट्टराई सरकारलाई हटाउन र निर्वाचनको निश्चितताका लागि मात्र असारलाई रोजीएको बताए । अन्तरिम मन्त्रीपरिषदका अध्यक्ष खिलराज रेग्मीले प्रधानन्यायाधीसको पद त्याग्दा उपयुक्त हुने नेपालले बताए । उनले भने,'सबै दलहरुबीच सहमति हुन्छ र त्यसको वातावरण बन्छ भने रेग्मीले पद त्याग गर्नु पर्छ ।' एमाओवादी उपयोगको नीतिमा अघि बढेकाले मधेसवादीसँगको उनीहरुको गठबन्धन पनि अपवित्र हुने बताए । एमाओवादीको राष्ट्रिय महाधिवेशनले नै सत्ता कब्जा र सम्पत्ती कसरी बटुल्ने भन्ने रणनीति पास गरेकाले एमाओवादीबाट मुलुकको निकासको अपेक्षा गर्न नसकिने बताए । नेपाली काँग्रेस लगायतका लोकतान्त्रिक पार्टीहरुसँग सहकार्य गरेर एमाले निर्वाचनमा जाने तयारीमा रहेको उनले बताए । उनले भने चार राजनैतिक दलका कारण रुष्ट भएर आन्दोलन गरिरहेका स-साना दलको मागलाई समेत सम्बोधन गरेर उनीहरुलाई पनि निर्वाचनमा लिएर जाने नेपालले बताए । त्यसैगरी मधेसी जनअधिकार फोरम(लोकतान्त्रिक)का अध्यक्ष विजयकुमार गच्छदारले असारको दोस्रो सातामै संविधानसभाको अर्को चुनाव गराउनका लागि छलफल भइरहेको बताएका छन् । उनले असारमै चुनाव गराउनका लागि आफूहरुले सरकार त्यागेको समेत बताए । 'असारको पहिलो साता वा १०-१२ गतेको विचमा चुनाव गराउनुपर्छ,' विराटनगरमा सञ्चारकर्मीहरुसित उनले भने,'बिरोधमा रहेका दलहरुसित पनि कुराकानी गरेर चुनावमा सहभागी गराउने प्रयास भइरहेको छ ।'
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.