चैत भित्रै न्यायाधीश नियुक्ति हुने

भिडियो हेर्नको माथि को बक्स मा डबल क्लिक गर्नु होस्

१४ चैत, काठमाण्डौं । न्यायपरिषद्ले सर्वोच्च, पुनरावेदन र जिल्ला अदालतहरुमा रिक्त दरबन्दीमा न्यायाधीश नियुक्ति तयारी तीब्र पारेको छ । राष्ट्रपति रामबरण यादवद्धारा जारी बाधा अड्काउ फुकाउ आदेशले न्यायाधीश नियुक्तिमा संसदीय सुनुवाई गर्नुपर्ने व्यवस्था हटेपछि परिषदले तयारी अघि बढाएको हो । न्यायाधीश कम हुँदा मुद्दाका चाङ बढ्दै जान थालेका कारण नयाँ नियुक्ति अघि बढाएको न्यायपरिषद्का सदस्इ खेमनारायण ढुंगेलले जानकारी दिएको नागरिक दैनिकमा खबर छ । चैतभित्र सर्वोच्चमा नियुक्ति गरिसक्ने परिषद्को तयारी छ । त्यसका लागि पुनरावेदन अदालतमा मुख्य न्यायाधीशका रुपमा रहेकाहरुको कार्यसम्पादन र जेष्ठतालाई हेर्नेकाम भइरहेको परिषद स्रोतले जनाएको छ । स्रोतका अनुसार जेष्ठताका आधारमा पुनरावेदन अदालतका मुख्य न्यायाधीशहरु बैद्यनाथ उपाध्याय, ज्ञानेन्द्र कार्की, केशरीराज पण्डितलगायतको सूची तयार भइसकेको छ । ‘जेष्ठतामात्र नभएर न्याय सम्पादनलगायत अन्य मापदण्डका आधारमा पनि परीक्षण भइरहेको छ,’ उनले भने