रेग्मी छिरेपछि बालुवाटारमा तल्लो जातिलाई निषेध

भिडियो हेर्नको माथि को बक्स मा डबल क्लिक गर्नु होस्

१४ चैत, काठमाण्डौ । रेग्मी नै रेग्मीलाई आफु वरिपरि राखेर चुनावी सरकारको यात्रा थालेका खिलराज रेग्मीले छुवाछुत प्रथालाई प्रश्रय दिएका छन । प्रधानमन्त्री कार्यालय बालुवाटारमा बर्षौदेखि सरसफाईंको काम गर्दै आएका कथित तल्लो जातिका नेपालीहरुलाई रेग्मीले आफ्नो निवासमा प्रवेश गर्न नदिएको बुधबार प्रकाशित जनआस्था साप्ताहिकले छापेको छ । बालुवाटारमा भवन निर्माण बिभागले कामदार खटाउने प्रचलन छ । प्रधानमन्त्री बाहिर गएको बेला शयनकक्ष, सौचालय, भान्छाकोठा आदि सफा गर्ने उनीहरुको चलन छ । यस काममा कथित तल्लो जातका शर्मिला पाडे, उनका जेठाजु राजु र गुञ्जिलाल थारु संलग्न छन । तर खिलराज प्रधान्यायाधीश निवासबाट प्रधानमन्त्री निवास सरेसँगै छोइछिटो होला भनेर उनीहरुलाई भर्‍याङबाट माथि उक्लिन दिइएको छैन । प्रधानमन्त्री निवासको डष्टविनसमेत सफा गर्ने र बिहानमा काँग्रेस सभापति सुशील कोइरालाको काममा खटिने शर्मिला यतिखेर खिलराजको ब्राम्हणबादी बन्देजका कारण मर्माहत भएकी छिन । खिलराज राष्ट्रपतिप्रति असन्तुष्ट पदमा नपुगेसम्म सबैको सहयोगका लागि मुख बाउने र ठाउँ भेटेपछि कसैलाई नपुछ्ने नेपालीको स्वभाव नै हो । यही बानीलाई पछ्याउँदै मन्त्रिपरिषद्का अध्यक्ष खिलराज रेग्मीले चार दलका नेताहरुसँगको भेटमा राष्ट्रपतिप्रति तितो पोखेको जनआस्था साप्ताहिकले नै छापेको छ । ‘अदालतले लिखित जवाफ दिन आउ भनेजसरी के गर्‍या होला यस्तो राष्ट्रपतिले ?’ भन्दै खिलराजले गुनासो पोखेका थिए । उनलेसमेत यसरी कुरा राखेपछि दलका नेताहरु नहौसिने कुरै भएन । एकपछि अर्को गर्दै उनीहरुले थप्न थाले- ‘त्यसरी लिखित जवाफ माग्नु परम्पराका हिसावले पनि उपयुक्त भएन ।’ निर्वाचन आयोगमा संवैधानिक परिषद्ले गरेको सिफारिसप्रति शितल निवासले प्रष्टीकरण मागेपछि भएको छलफलमा खिलराजले राष्ट्रपति यादवप्रति तितो पोखेका थिए । सोही बसाईमा दलहरुले रेग्मीलाई ढाडस दिए- एकचोटी तपाई गएर कुरा गर्नोस, भएन भने हामी नै गइदिउँला ।’ तर खिलराज गएर कुरा गरेपछि यादवले निर्वाचन आयोगको सिफारिस मान्ने बताएपछि कुरा मिलेको थियो ।