पिजी डाक्टरले एक बर्ष दुर्गममा सेवा गर्नै पर्ने

भिडियो हेर्नको माथि को बक्स मा डबल क्लिक गर्नु होस्

१८ चैत, काठमाण्डौं । स्वास्थ्य मन्त्रालयले दुर्गममा विशेषज्ञ सेवा पुर्‍याउने पोस्टग्राजुएट (पिजी) चिकित्सकहरुले एक बर्ष अनिवार्य रुपमा खटाएको ठाउँमा सेवा गर्नुपर्ने नियम ल्याएको छ । यसबाट दुर्गम क्षेत्रमा स्वास्थ्य सेवामा सुधार आउने मन्त्रालयले जनाएको छ । मन्त्रालयले खटाउने विशेषज्ञ चिकित्सकहरुलाई कम्तीमा सरकारी चिकित्सकले पाउनेबराबर सुविधा दिनेछ । नेपालमा स्वदेश र विदेशमा अध्ययन गरेका मिलाएर बर्षमा ३ सयको हाराहारी विशेषज्ञ चिकित्सकहरु थपिने गरेको नागरिक दैनिकमा खबर छ । मन्त्रालयले नीतिगत निर्णयपछि उक्त प्रावधान कार्यान्वयन गर्न नेपाल मेडिकल काउन्सिललाई पत्राचार गरिसकेको छ । नयाँ नीतिअनुसार तीनबर्षे पिजी गरेका चिकित्सकले कम्तीमा एक बर्ष जिल्लामा काम गर्नुपर्नेछ । तोकिएको सरकारी स्वास्थ्य संस्थामा एक बर्ष सेवा गरेपछि मात्र पिजीको स्थायी प्रमाणपत्र दिइनेछ ।