नेपालद्धारा माल्दिभ्स ७६ रनले पराजित (फोटो फिचरसहित)

भिडियो हेर्नको माथि को बक्स मा डबल क्लिक गर्नु होस्

१३ चैत, काठमाण्डौं । राजधानीमा मंगलबारबाट सुरु भएको एसीसी टी-२० एलिट कप क्रिकेटमा नेपालले विजयी सुरुवात गरेको छ । आफ्नो पहिलो खेलमा नेपालले माल्दिभ्सलाई ७६ रनको फराकिलो अन्तरले पराजित गरेको छ । त्रिवि क्रिकेट मैदान कीर्तिपुरमा टस हारेर पहिले व्याटिङ थालेको घरेलु टोली नेपालले प्रदीप ऐरीको अर्धशतकको मदतमा निर्धारित २० ओभरमा ५ विकेटको क्षतिमा १ सय ७१ रन बनायो ।

आक्रमक व्याटिङ गरेका प्रदीपले २६ बलमा ४ छक्का र ८ चौकाको मदतमा ५९ रन बनाए । उनले पहिलो विकेटका लागि सुवास खकुरेलसँग ८० रनको साझेदारी गरेका थिए । सुवास २६ रनमा आउट भए । यस्तै सरद भेसवाकरले १८ बलमा २ छक्का र ३ चौकाको मदतमा ३६ रन बनाए ।

मंजित श्रेष्ठले २०, विनोद भण्डारीले १५, कप्तान पारस खड्काले १० र ज्ञानेन्द्र मल्लले २ रन बनाए । जवाफमा मैदान उत्रिएको माल्दिभ्सले ७ विकेटको क्षतिमा ९५ रन मात्र बनाउन सक्यो । उसलाई सस्तैमा समेट्ने क्रममा पारसले ७ रन दिएर २ विकेट लिए भने शक्ति गौचन, मंजित श्रेष्ठ, बसन्त रेग्मी र संजम रेग्मीले समान १-१ विकेट लिए ।