जबरजस्ती लोला हान्नेलाई २५ दिन जेल सजायँ

भिडियो हेर्नको माथि को बक्स मा डबल क्लिक गर्नु होस्

१२ चैत, चितवन । फागु पूर्णिमाको अवसरमा हुन सक्ने उच्छृङखल गतिबिधि रोक्न चितवन प्रहरीले सक्रियता बढाएको जनाएको छ । मंगलवार मनाइने फागु पूर्णिमामा जथाभावी लोला, रंग र पानी नछेप्न चेतनामुलक अभियान चलाएको प्रहरीले जनाएको हो । चेतनामुलक अभियान अन्तर्गत प्रहरीले जिल्लाका मुख्य मुख्य वजारहरुमा माईकिङ गर्ने जिल्ला प्रहरी कार्यालय चितवनका प्रहरी उपरिक्षक दिपककुमार थापाले जानकारी दिनुभयो । जिल्लाको नारायणगढ, भरतपुर, टाँडी, खैरहनी र मुग्लिन वजारमा चेतनामुलक माईकिङ गरिने थापाले वताउनु भयो । इच्छा विपरीत जबर्जस्ती रंग, लोला र पानी छेप्ने तथा र दुव्यर्वहार गर्नेलाई सार्वजनिक मुद्या चलाउने प्रहरी उपरिक्षक थापाले वताउनु भयो । अटेर गरेर कसैको इच्छा विपरितका क्रियाकलाप गरे पक्राउ गरी सार्वजनिक मुद्या चलाउने प्रहरीले जनाएको छ । पक्राउ परेकालाई २५ दिन हिरासतमा राखिने पनि थापाले वताउनु भयो । सभ्भावित त्यस्ता गतिविधि हुन नदिन तालिम केन्द्र भरतपुर र शशस्त्र प्रहरीको साथ लिने उहाँको भनाई छ । भरतपुर र नारायणगढमा मात्रै ७ वटा प्रहरीको मोवाईट टोली खटाउने जिल्ला प्रहरी कार्यालयको तयारी छ । चाडलाई चाडको रुपमा मनाउन प्रहरी उपरिक्षक थापाले सवैमा आग्रह गर्नु भएको छ । जिल्ला प्रसासन र जिल्ला प्रहरी कार्यालयले यसअघि नै सूचना निकालेर होलीको अवसरमा कसैको इच्छा विपरित रंग दल्ने, लोला हान्ने र पानी फ्याँकेर दुःख नदिन अनुरोध गरिसकेको छ ।