गायन, रचना, नृत्य र अभिनयमा एकसाथ वियोन्सेले खुवाइन् सबैलाई माथ

भिडियो हेर्नको माथि को बक्स मा डबल क्लिक गर्नु होस्

गायिका, गीतकार, नर्तकी तथा अभिनेत्री एउटै अमेरिकी सुन्दरीको परिचय यसरी चार विधामा बाँडिएको छ । अमेरिकी सुन्दरी वियोन्से उर्फ सासा फियर्सको पूरा नाम वियोन्से गिसेल्ले नोलेस–कार्टर हो । सन् १९८१ को ४ सेप्टेम्बरमा टेक्सासको ह्युस्टनमा जन्मेकी उनले आटर्स स्कुलमा भर्ना भई सानै उमेरदेखि नाचगानमा प्रतिस्पर्धा गर्न थालिन् । ९० को दशकको उत्तरार्धमा डेस्टिनिज चाइल्डको प्रमुख गायिकाका रूपमा निकै चर्चित रहेकी उनको सन् २००३ मा रिलिजभएको पहिलो एकल एल्बम डेन्जरस्ली इन लभको क्रेजी इन लभ र बेबी ब्वाइ बोलका दुवै गीत बिलबोर्ड हट–१०० को पहिलो स्थानमै रहन सफल भए । सो वर्ष सबैभन्दा सफल एल्बममध्ये एक त्यसले नयाँ कीर्तिमान राख्दै पाँचवटा ग्रामी अवार्ड जितिदियो । २००५ मा डस्टिनिज चाइल्ड ब्यान्ड टुक्रिएपछि उनले अर्को वर्ष दोस्रो एल्बम वि डे रिलिज गरिन् । 

त्यसका डेजा भु, इर्रेप्लेसिवल र ब्युटिफुल लायर हिट लिस्टको शीर्ष पाँच स्थानभित्र परे । २००८ मा रिलिज भएको उनको तेस्रो एल्बम आइ एम सासा फियर्स रिलिज भयो । यसको इफ आइ वर अ ब्वाय,सिंगल लेडिज (पुट अ रिङ अन इट), हाला र स्विट ड्रिम्ज हिट भए । यो एउटै एल्बमले उनलाई सन् २०१० मा आधा दर्जनवटा ग्रामी अवार्ड दिलायो । ग्रामी अवार्ड्समा यति धेरै अवार्ड जित्ने उनी संसारकै पहिलो गायिका हुन् । २०११ मा रिलिज भएको उनको चौथो एल्बम पनि बिलबोर्ड–२०० को पहिलो स्थानमा रह्यो । उनका एल्बमले १६ वटा ग्रामी अवार्ड, १२ वटा एमटिभी भिडियो म्युजिक अवार्ड र एउटा बिलबोर्ड अवार्ड जिते । उनको एल्बम अमेरिकामा मात्र १ करोड ३० लाख र विश्वका अन्य भागमा ७ करोड छ० लाख प्रति बिक्री भएको छ । उनी २०१० मा १ सय सदाबहार सर्वोत्कृष्ट कलाकारको सूचीमा परिन् भने २०१२ मा संगीत क्षेत्रका १ सय सर्वोत्कृष्ट महिलाको सूचीको तेस्रो स्थानमा परिन् । त्यसै गरी २०१० मा फोर्वेसको विश्वका १ सय जना सर्वाधिक शक्तिशाली र प्रभावशाली संगीतकारको सूचीको पहिलो स्थानमा परिन् । संगीतको अलावा उनले अभिनय, पहिरन डिजाइनिङ र पपर्mयुम व्यवसायमा पनि हात हालेकी छिन् । सन् २००६ मा उनी अभिनित फिल्म ड्रिम गल्र्सले गोल्डेन ग्लोब अवार्डस्का लागि मनोनयनमा परेको थियो । २००छ मा आफ्नै फेमिली फेसन लाइन हाउस अफ डेरेओन खोलेकी वियोन्सेले ली ओरियल,पेप्सी, टम्मी हिल्फिगर, निन्टेन्डो र भिजियोजस्ता प्रतिष्ठित ब्रान्डका लागि काम गरिदिइन् । सन् २००८ को अप्रिलमा अमेरिकी र्यापर जे–जेडसँग विवाह बन्धनमा बाँधिएकी उनीबाट २०१२ को जनवरीमा पहिलो सन्तान ब्ल्यु इभी कार्टरको जन्म भयो ।

प्रोफेसनल रिकर्ड म्यानेजर म्याथ्यु नोलेस र पहिरन डिजाइनर तथा केश सज्जाकार टिना नोलेसका सन्तानका रूपमा उनको जन्म भएको थियो । टेक्सासको हिल कन्ट्रीस्थित फ्रेडरिक्सबर्गको सेन्ट मेरिज इलेमेन्ट्री स्कुलबाट शिक्षा हासिल गरेकी वियोन्सेले ब्यालेट डान्स र ज्याज पनि सिकिन् । जहाँ संगीत शिक्षकले उनको गायन प्रतिभालाई प्रोत्साहित गरे । पहिलोपटक स्कुलमा विटल्सका जोह्न लेननको गीत इम्याजिन गाएर पुरस्कार थापेकी उनी सात वर्षकै उमेरदेखि सञ्चारमाध्यमको ध्यान तान्न सफल भएकी थिइन् । १९९० मा ह्युस्टनस्थित संगीतसम्बन्धी शिक्षा दिइने पार्कर इलेमेन्ट्री स्कुलमा भर्ना भएकी उनी पछि त्यहींकै हाइस्कुल फर द पर्फमिङ एन्ड भिज्युयल आर्ट्स र एलिएफ एल्सिक हाइस्कुलमा गइन् । दुई वर्षसम्म सेन्ट जोह्न्स युनाइटेड मेथोडिस्ट चर्चमा स्तरीय गीत प्रस्तुत गरेकी उनी आठ वर्षकी छँदा बनेको छ सदस्यीय गल्र्स टिमले नेसनल टिभीको त्यति बेलाको चर्चित ट्यालेन्ट शोमा भाग लिने मौका पाएको थियो । सन् २०११ को फेब्रुअरीमा विकिलिक्सले वियोन्से लिबियाका तत्कालीन तानाशाह मोम्मर गद्दाफीको परिवारलाई मनोरञ्जन प्रदान गरी अकूत धन प्राप्त गर्नेमध्ये एक रहेको रहस्य उद्घाटन गरेको थियो । रोलिङ स्टोन म्यागजिनले तिनीहरूलाई संगीत उद्योगले त्यसरी कमाएको पैसा फिर्ता दिन अनुरोध गरेको उल्लेख गर्यो । यसैबीच सन् २०११ को २ मार्चमा उनका प्रवक्ताले उनले सो रकम क्लिन्टन बुस हाइटी कोषलाई चन्दास्वरूप प्रदान गरेको द हफिंगटन पोस्टलाई बताए । सोही वर्ष उनलाई फोर्वेसले अघिल्लो वर्ष ३ करोड छ० लाख डलर कमाएकाले सबैभन्दा बढी पैसा कमाउने ३० जना सेलेब्रिटी सूचीको आठौं स्थानमा राखेको थियो ।

सन् २०१० को जनवरीमा यूएसए टुडेलाई अन्तरवार्ता दिने क्रममा आनन्दले बाँच्नका लागि संगीत जीवनबाट केही समय टाढै बस्ने बताए । उनले एक महिनापछि नै लेडी गागाको टेलिफोन बोलको गीतमा देखिएर सबैलाई छक्क पारिदिइन् । यो गीत बेल्जियम, डेनमार्क, हंगेरी,आयरल्यान्ड, नेडरल्यान्ड, नर्वे र इंगल्यान्डमा हिट लिस्टको शीर्ष स्थानमा रह्यो । सन् २००९ को मार्चमा आइ एम टुर अभियानअन्तर्गत दोस्रो कन्सर्ट टुरका सिलसिलामा वियोन्सेले कुल १ सय ८ कार्यक्रम प्रस्तुत गरी ११ करोड ९छ लाख डलर कमाइन् । ओब्सेस्ड,अस्टिन पावर्स इन गोल्डमेम्बर र द फाइटिङ टेम्पटेसनजस्ता फिल्ममा काम गरेकी उनले २०११ को २८ अगस्टमा एमटिभी भिडियो म्युजिक अवार्ड्स कार्यक्रमका दौरान आफू र आफ्नो पति जे–जेडले पहिलो सन्तानको अपेक्षा गरिरहेको सार्वजनिक गरेकी थिइन् । उनले सन् २०१२ को ७ जनवरीमा न्युयोर्कको लेनोक्स हिल हस्पिटलमा छोरी ब्ल्यु इभी कार्टरलाई जन्म दिइन् । त्यसको दुई दिनपछि जे–जेडले छोरीलाई समर्पित गर्दै ग्लोरी बोलको गीत आफ्नो सोसियल वेबसाइट लाइफ एन्ड टाइम डट कममा हाले ।