चुनाबमा लाग्न शीर्ष नेतालाई राष्ट्रपतिको आग्रह

भिडियो हेर्नको माथि को बक्स मा डबल क्लिक गर्नु होस्

१७ चैत, काठमाण्डौं । राष्ट्रपति डा रामवरण यादवलाई चारदलका शीर्ष नेताले आज भेट गरी संविधानसभाको नयाँ निर्वाचनका बारेमा भइराखेको प्रगतिका सम्बन्धमा जानकारी गराएका छन् । भेटमा राजनीतिक तहबाट निर्वाचनका लागि वातावरण सिर्जना गर्न दलहरू लागिरहेको जानकारी राष्ट्रपति डा यादवलाई गराइएको नेपाली काँग्रेसका सभापति सुशील कोइरालाले सञ्चारकर्मीहरूलाई बताउनुभयो । निर्वाचनका बारेमा चार दलका शीर्ष नेताहरूले सरकारी तहबाट भइराखेका कामका बारेमा अन्तरिम मन्त्रिपरिषद्का अध्यक्ष खिलराज रेग्मी र निर्वाचन आयोगबाट भइराखेका कामका बारेमा आयोगसित जानकारी लिने निर्णय यसअघि गरेका थिए । पार्टी सभापति कोइरालाले निर्वाचमा सहभागी हुन नेकपा -माओवादीसहित अन्य दलहरूसँग छलफल गर्न लागिएको पनि जानकारी दिनुभयो । सो अवसरमा राष्ट्रपति डा यादवले निर्वाचनमा लाग्न शीर्ष दलका नेताहरूलाई आग्रह गर्नुभएको पार्टी सभापति कोइरालाले बताउनुभयो । रासस