भिडियो हेर्नको माथि को बक्स मा डबल क्लिक गर्नु होस्
१७ चैत, काठमाडौं । एकीकृत नेकपा माओवादीको केन्द्रीय समिति शनिबारदेखि अैपचारिकरुपमा विस्तार भएको छ । विस्तारित समितिमा महाधिवेशन आयोजक समितिमा करिब १ दर्जन नेताहरु छुटेका छन् ।
‘महाधिवेशन आयोजक समितिका केहीलाई छाडेर अन्य सबैलाई केन्द्रीय समितिमा मनोनित गरिएको छ ।’ बैठकपछि एक केन्द्रीय नेताले अनलाइनखबरसँग भने-’आइतबारको बैठकमा नयाँ थपिएका सदस्यसमेत सहभागी हुनेछन् ।’
हेटौडा महाधिवेशनकै बेला केन्द्रीय सदस्यको साटो सल्लाहकार बनाइएका वेदनिधि अधिकारी, धर्मचन्द्र लावती, तेजप्रकाश कँडेललगायतलाई केन्द्रीय समितिमा पारिएको छैन । त्यसैगरी कोरियाका राजदूत बनेका कमानसिंह लामा र मृत्युवरण गरेका दिलबहादुर श्रेष्ठका ठाउँमा नयाँलाई ल्याइने भएको छ । त्यस्तै अन्य केहीलाई पनि फरक भूमिका दिएको भन्दै केन्द्रमा छुटाइएको छ ।
अर्को भूमिकामा गएका, मृत्यु भएकाहरुको ठाउँमा विशिष्ट ‘केस’ भएका राज्यसमितिबाट नयाँ सदस्य थप गरिने एमाओवादी केन्द्रीय सदस्यले बताए । ‘कोचिलाको विशिष्ट केस छ, त्यहाँबाट नयाँ सदस्य थपिन्छ ।’- उनले भने-’केन्द्रीय सदस्य एकजना पनि नभएका ८/१० वटा जिल्लाहरु छन्, त्यहाँबाट पनि नयाँ सदस्य ल्याउने निर्णय आजको बैठकले गरेको छ ।’
स्रोतका अनुसार कोचिला अन्तरगत सुनसरीबाट डम्बर सुवेदी हिमाल र झापाबाट झलक दर्लामी सन्देशलाई केन्द्रीय समितिमा ल्याइने भएको छ । उनका अनुसार मधेसीहरुले पनि हाललाई आयोजक समितिमा रहेको संख्यामै चित्त बुझाउनुपर्ने भएको छ ।
महाधिवेशन आयोजक समितिबाटै केन्द्रीय समितिलाई पूर्णता दिने निर्णय भए पनि चुनावपछि केहीलाई नयाँ भूमिकामा पठाइने र ती ठाउँमा नयाँ उर्जाशील सदस्यहरु ल्याइने र संगठनमा क्रमभंग गरिने एमाओवादी नेताले दाबी गरेका छन् । वैद्यपक्ष छाडेर आएका तीन नेतालाई भने शनिबारकै बैठकले पूर्ण केन्द्रीय सदस्य बनाएको छ ।
एक महिने जागरण अभियान चलाइने
एमाओवादीले आगामी निर्वाचनलाई केन्द्रविन्दुमा राखेर एक महिने विशेष जागरण अभियान सञ्चालन गर्ने निर्णयसमेत गरेको छ । बैठकले जनतासँग जोडिन र देशव्यापी रुपमा कार्यकर्ता प्रशिक्षण र जागरण अभियान सञ्चालन गर्ने निर्णय गरेको प्रवक्ता अग्निप्रसाद सापकोटाले बताउनुभयो ।
अभियान राजधानी काठमाडौँलगायत मुलुकका प्रमुख सहरहरु र ७५ वटै जिल्लामा अभियानात्मक रुपमा सञ्चालन गरिने र सो अभियानमा पार्टीको शीर्ष नेतृत्व, केन्द्रीय सदस्य, राज्य समिति सदस्य, जिल्ला समिति सदस्य, एरिया समिति सदस्य सहभागी हुने सापकोटाले जानकारी दिनुभयो । आइतबार बस्ने बैठकले अधियानको विशेष कार्ययोजना तयार पार्ने बताइएको छ ।
वैद्यपक्षका तीन नेता पूर्ण सदस्य
मोहन वैद्यले नेतृत्व गरेको नेकपा-माओवादीबाट फर्केका नेता कृष्णध्वज खड्का, रेखा शर्मा, कुमार दाहाललाई केन्द्रीय समितिमा स्वागत गरिएको प्रवक्ता सापकोटाले जानकारी दिनुभयो । क्रान्तिको नाममा वैद्य समूहले शत्रु हँसाउने काम गरेको, जनयुद्ध, जनआन्दोलनलगायतका विभिन्न आन्दोलनबाट प्राप्त उपलब्धिलाई संस्थागत हुन नदिने खेलमा लागेको खड्का, शर्मा र दाहालले आरोप लगाएका छन् ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.