स्ववियू निर्वाचन घोषणा नभए आमरण अनशनः अध्यक्ष कर्ण

भिडियो हेर्नको माथि को बक्स मा डबल क्लिक गर्नु होस्

चैत्र १८ - नेविसंघ केन्द्रीय अध्यक्ष रंजित कर्णले यसै साता स्ववियू निर्वाचनको मिति घोषणा नभए आमरण अनशन आफ्नै नेतत्वमा सुरु गरिने चेतावनी दिएका छन् । सिन्धुलीमाढीमा आइतबार आयोजित पत्रकार सम्मेलनमा अध्यक्ष कर्णले चैत २३ गते बस्ने सिनेट बैठकले स्ववियू निर्वाचनको मिति घोषणा नगरे आमरण अनशन सुरु गरिने चेतावनी दिएका हुन् । स्ववियू निर्वाचन आगामी वैशाख अन्तिम साता हुने त्यसमा देशभरका झण्डै २५ लाख विद्यार्थीको सहभागिता रहने अध्यक्ष कर्णले दावी गरे । आउँदो स्ववियू निर्वाचनलाइ कम खर्चिलो र भड्किलो हुन नदिन 'नो पम्प्लेट, नो माइकिङ र नो व्यानर'मा विद्यार्थी संगठनहरुबीच सहमति भएको उनले खुलासा गरे । स्ववियू निर्वाचन प्रणालीका सन्दर्भमा अध्यक्ष कर्णले नेविसंघ प्रत्यक्ष निर्वाचन प्रणालीमा भएपनि मिश्रति हुँदा समेत मान्य हुने जनाए । राजनीतिक प्रसङ्गमा अध्यक्ष कर्णले प्रधानन्यायाधीशलाई सरकार सुम्पेर राजनीतिक दलहरु चुकेको बताए । असारमा निर्वाचन हुनेमा उनले शंका व्यक्त गरे ।