भिडियो हेर्नको माथि को बक्स मा डबल क्लिक गर्नु होस्
असीको दशकमा आफ्नो स्वर माधुर्यमार्फत विश्वव्यापी ख्याति कमाउन सफल अमेरिकी पपस्टार विट्नी हटसनको एक विशेष कार्यक्रमका माझ अन्त्येष्टि गरिएको छ । गत फेब्रुअरी १३ का दिन लसएन्जल्सको एक होटलमा मृत अवस्थामा भेटिएकी अमेरिकी संगीत उद्योगकी ४८ वर्षीया गोल्डेन गर्ल गायिकाको संगीत क्षेत्रका विशिष्ट व्यक्तिको उपस्थितिमा अन्तिम संस्कार गरिएको हो । उनको मृत्युको कारण खुलेको छैन । सन् २००३ मा निधन भएका उनका पिता जोन रसेल हुसटनको अन्तिम संस्कार भएको स्थल फेरभ्यु सिमेटरीमै गायिका छोरीको पनि अन्त्येष्टि गरिएको थियो । अन्त्येष्टि कार्यक्रममा उनकी कजिन डिओन वारविक, गायिकाको करियर गुरु क्लिभ डेभिस र स्टिभ वन्डरलगायत सहभागी थिए । कडा सुरक्षाबीच गरिएको अन्त्येष्टि कार्यक्रममा उनका फ्यानलाई उपस्थितिको अनुमति दिइएको थिएन भने फ्यानले प्रत्यक्ष प्रसारण गरिएको टेलिभिजनबाट उनको कफिनसहितको अन्त्येष्टि हेरेका थिए । साढे तीन घण्टाको अन्तिम संस्कारमा स्टिभ, गायिका एलिसिआ किज र आर केलीले उनको सम्झनामा गीत गाएका थिए । द बडीगार्डमा गायिकासँग अभिनय गरेका नायक केभिन कस्टनरले विट्नीसँगको अभिनय आफ्नो जीवनका लागि सुखद क्षण भएको भन्दै सम्मान व्यक्त गरेका थिए । विट्नीका पूर्वपति बब ब्राउन पनि केही समयसम्म अन्त्येष्टिमा सरिक भई बाहिर निस्किएका थिए । गिनिज बुक अफ वल्र्ड रेकर्डसका अनुसार विट्नीले सांगीतिक जीवनमा दुई एमी अवार्ड, ६ ग्रामी अवार्ड, ३० बिलबोर्ड म्युजिक अवार्ड, २२ अमेरिकन म्युजिक अवार्ड गरी करिब ४ सय १५ अवार्ड प्राप्त गरेकी थिइन् ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.