निर्वाचन आयोगको सुझावपछि निर्वाचन मिति तोकिने

भिडियो हेर्नको माथि को बक्स मा डबल क्लिक गर्नु होस्

मन्त्रीपरिषदका अध्यक्ष खिलराज रेग्मीले निर्वाचनको मिति निर्वाचन आयोगको सुझावपछि मात्र तोकिने बताएका छन् । शुक्रबार उच्च स्तरीय राजनीतिक समितिमा रहेका प्रमुख दलका नेताहरुले रेग्मीलाई भेटी छिटै निर्वाचन मिति तोक्न भनेपछि उनले यस्तो प्रतिक्रिया दिएका हुन् । निर्वाचन आयोगसँग निर्वाचन मितिको बारेमा छलफल भइरहेको बताएका रेग्मीले मतदाता नामावली अध्यावधिक गर्ने र छुटेकालाई समावेश गर्ने काम भइरहेकोले आयोगले सुझाव दिनासाथ मिति तोकिने बताएका हुन् । रेग्मीलाई भेट्नको लागि एमाओवादी अध्यक्ष पुष्पकमल दाहाल, कांग्रेस उपसभापति रामचन्द्र पौडेल, एमाले नेता केपी ओली र मधेसी मोर्चाका पूर्व सञ्चारमन्त्री राजकिशोर यादवको टोली गएका थिए । सरकार गठन भएको निकै समय बितिसक्दापनि निर्वाचनको वातावरण सरकारले सुरु गर्न नसकेको प्रति रेग्मीसँगको भेटमा नेताहरुले असन्तुष्टी व्यक्त गरेका थिए ।