आर्यन र निशा विवादै विवादमा

भिडियो हेर्नको माथि को बक्स मा डबल क्लिक गर्नु होस्

नायक नायिका आर्यन सिग्देल र निशा अधिकारीलाई यसपालि दशै रहेछ । धेरैपछि उनीहरू एउटा फिल्ममा अनुबन्धित भए । फिल्म थियो धूवाँ । धूवाँ त धूवाँ साँच्चीकै धूवाँ बन्न पुग्यो यो फिल्म । बिलाएर कता जाने हो ठेगानै भएन । जमानामा अरुले नै शीर्षक दर्ता गराइसकेको यही नाममा फिल्म निर्माण भएपछि आर्यन र निशाले खेलिरहेको धूवाँ अवैधानिक फिल्म हुन पुग्यो । जुन विवादका कारण निर्माण हुँदा हुँदै यसको सुटिङ नै रोकिन पुग्यो । त्यही बेला फेरि नायिका निशालाई हाइलाइट गरेर तयार पारिएको पोस्टर बाहिर आयो । त्यो तस्वीर पनि विवादमुक्त हुन सकेन । चर्चित फोटोग्राफर कमल श्रेष्ठले तस्वीर बारेको रहस्य छताछुल्ल पारिदिए । फेसबुकको स्ट्याटसमै लेखिदिए ‘निशालाई पर्सनल युजको लागि दिएको फोटो उनले त थाहै नदिई पोस्टरमा राख्न पो दिइछन् । मैले त्यो फोटो अर्कै प्रयोजनका लागि खिचेको थिएँ । एक वचन सोधेको भए त फ्रिमै दिन्थें नि ।’ यो भन्दा दशाको कुरा के हुन सक्ला है निशु !