बागलुङको निर्वाचन कार्यालयमा तोडफोड

भिडियो हेर्नको माथि को बक्स मा डबल क्लिक गर्नु होस्

बाग्लुङ, चैत्र १५ - बागलुङ जिल्ला निर्वाचन कार्यालय बागलुङमा बिहीबार अज्ञात समूहले आक्रमण गरी भौतिक क्षति पुर्‍याएको छ । कार्यालयको कम्प्युटर, पि्रन्टर, फोन, टेवलमा राखिएको सिसा लगायतका सामाग्रीहरु तोडफोड भएको निर्वाचन अधिकारी टोलराज उपाध्यायले बताए । फोटो सहितको मतदाता नामावली संकलनको काम भइरहेको समयमा उक्त तोडफोड भएको हो । तोडफोड गर्न आएकाहरु मुख छोपेर आएकोले पहिचान नभएको उपाध्यायले बताए । तोडफोड पछि कार्यालयका कर्मचारीहरु तनाबमा रहेका छन् । कार्यालयको सुरक्षाका लागि प्रजिअ महादेव पन्थ, प्रनाउ सुरेन्द्रबहादुर गुरुङ लगायत कार्यालयमा पुगेका छन् । निर्वाचन क्रियाकलापलाई बहिस्कार तथा अवरोध गर्दै आएको नेकपा- माओवादीले उक्त घटना घटाएको अनुमान गरिएपनि यकिन भएको छैन । माओवादीले घटनाबारे केही बताएको छैन । प्रहरीले पनि घटनाबारे छानविन गरिरहेको बताएको छ । घटना भएको कार्यालय जिल्ला प्रहरी कार्यालयको आमनेसामने छ ।