फ्रान्सेली सेनाको गोलीबाट नेपालीको मृत्यु

भिडियो हेर्नको माथि को बक्स मा डबल क्लिक गर्नु होस्

१६ चैत, काठमाण्डौ । मध्य अफि्रकी गणतन्त्रमा फ्रान्सेली सेनाको गोलीबाट एक नेपालीको मृत्यु भएको छ । समाचार संस्था एएफपीका अनुसार बिमानस्थल सुरक्षामा रहेका फ्रान्सेली सैनिकको गोलीबाट एकजना भारतीय र एकजना नेपाली नागरिकको मृत्यु भएको हो । गत सोमबार भएको घटनामा सुरुमा दुई जना भारतीयको ज्यान गएको भनिए पनि फ्रान्सेली रक्षा मन्त्रालयले एक नेपाली र एक भारतीयको ज्यान गएको जनाएको छ । आफुतिर हुँइकिएर आइरहेको गाडीमा गोली हान्दा उनीहरुको ज्यान गएको फ्रान्सेली सेनाका प्रवक्ताले जनाएका छन । त्यहाँ साढे ५ सय फ्रान्सेली सैनिक तैनाथ गरिएको छ । मारिने नेपालीको पहिचान खुलाइएको छैन । भारतीय नागरिक मारिएकोमा भने फ्रान्सेली राष्ट्रपतिले दुःख ब्यक्त गर्दै घटनाको छानविन गर्ने आश्वासन दिएका छन ।