डलरसँगै महँगियो बजार, १५ देखि २५ प्रतिशतसम्म मूल्यवृद्धि

भिडियो हेर्नको माथि को बक्स मा डबल क्लिक गर्नु होस्

११ भदौ, काठमाण्डौं । अमेरिकी डलरसँग नेपाली रुपैयाँ अवमूल्यन भएपछि व्यापारीले उपभोग्यदेखि इलेक्ट्रोनिक वस्तुको मूल्य १५ देखि २५ प्रतिशत बढाएका छन् । डलर वृद्धिपछि आयातीत सामान बजारमा आइनसकेपनि व्यापारीले डलरको बहाना बनाएर स्टक सामानकै मूल्य बढाउन थालेका हुन् । बजारमा आयातीत दैनिक उपभोग्य खाद्यान्न, लत्ताकपडा तथा ‘फास्ट मुभिङ कन्ज्युमर गुड्स’ (एफसीएमजी) को मूल्य १५ प्रतिशतसम्मले वृद्धि भएको छ । इलेक्ट्रोन्किस सामानको मूल्यमा पनि उल्लेख्य वृद्धि हुने व्यवसायीले बताएका छन् । आयातमा निर्भर नेपाली बजारमा इलेक्ट्रोनिक्स सामानको मूल्य २० देखि २५ प्रतिशतसम्म वृद्धि हुन थालेको कारोबार दैनिकमा खबर छ । कम्प्युटर तथा पुर्जाको मूल्यसमेत २० देखि २५ प्रतिशतसम्म बढेको आईसीटी एसोसिएसन अफ नेपालका प्रथम उपाध्यक्ष भेषराज पौडेलले बताए ।