कोरियामा एक नेपालीको मृत्यु

भिडियो हेर्नको माथि को बक्स मा डबल क्लिक गर्नु होस्

सउल । दक्षिण कोरियामा एक नेपाली मृत अवस्थामा भेटिएका छन् । कन्चनपुर महेन्द्रनगर-७ का ३२ बर्षिय तोयराज भट्ट बुधवार बिहान आफ्नै कोठामा मृत फेला परेको श्रमसहचारी अनिल गुरुङले जानकारी दिनुभयो । उहाँका अनुसार बेलुका खाना खाएर सुतेका भट्ट बिहान नउठेपछि उठाउन जांदा मृत भेटिएको सँगै काम गर्ने राजेश महार्जनले बताउनु भएको छ । भट्ट मृत अवस्थामा भेट्टाएपछि महार्जनले तत्काल कम्पनी मालिक र प्रहरीलाई जानकारी गराएका थिए । भट्टको शव पोस्टमार्टम र आवस्यक अनुसन्धानका लागि कोरियाको याङजु नजिकको हस्पिटलमा राखिएको छ । श्रमसहचारि अनिल गुरुङका अनुसार नेपालबाट मृतकका परिवारले पनि दूतावसमा सम्पर्क गरिसकेका छन् भने बिहीबार घटना स्थलतर्फ आफु लगाएतको टोली जाने बताउनु भयो । भट्ट रोजगार अनुमति प्रणाली अन्तर्गत १६ महिना अघि कोरिया आएका थिए । उनी कोरियाको राजधानी सउलबाट करिव चारसय किलोमिटरको दुरीमा रहेको ख्यङगीदोस्थित योसुङ क्षेत्रको एक फुड कम्पनीमा कार्यरत थिए ।