भिडियो हेर्नको माथि को बक्स मा डबल क्लिक गर्नु होस्
काठमाडौ, भाद्र १५ - नेपालले पहिलोपल्ट सन् १९९७ मा साफ च्याम्पियनसिप आयोजना गरेको थियो । त्यसबेला विमल घर्तीमगरले फुटबल खेल्न सुरु गरेकै थिएनन् । बुटवलका उनी अहिले जवान भइसकेका छन् । यसबीच उनले सिकेको फुटबल कलाले उचाइ लिइसकेको छ । र, उनी दक्षिण एसियाली फुटबलको सर्वाधिक प्रतिष्ठित प्रतियोगिता १६ वर्षपछि काठमाडौं र्फकंदा मैदानमा उत्रने तयारीमा छन् । यस्तोमा नेपाली टिमले पहिलोपल्ट साफ च्याम्पियन बन्ने अभियान बंगलादेशविरुद्धको खेलबाट शनिबार गर्दैछ । 'साफ च्याम्पियन हुँदै इतिहास रच्न चाहन्छौं,' नेपालका कप्तान सागर थापाले भने, 'राम्रो तयारी गरेका छौं । हाम्रो मनोबल उच्च छ । घरेलु मैदान र समर्थकको साथमा खेल्दैछौं । त्यसैले दुई दशकपछि नेपालको उपाधि जित्ने सपना साकार पार्न तयार छौं । बंगलादेशलाई हराएर उपाधि यात्रा सुरु गर्न चाहन्छौं ।' प्रशिक्षक ज्याक स्टेफनोस्कीले पनि प्रत्येक खेल जित्दै नेपाललाई उपाधि दिलाउने वाचा गरेका छन् । नेपालले सन् १९८४ र १९९३ को दक्षिण एसियाली खेलकुदमा फुटबलको स्वर्णपदक जितेको थियो । त्यसयता अन्तर्राष्ट्रिय फुटबलमा नेपालले सफलता चाखेको छैन । विशुद्ध फुटबल प्रतियोगितामा त नेपालले सेमिफाइनल पार गर्नै सकेको छैन । नेपालले आठौं साफमा पाँचपल्टको विजेता भारत, २००३ को च्याम्पियन बंगलादेश र पाकिस्तानसँगै समूह 'ए' मा छ । आठ देशको प्रतियोगिताको समूह 'बी' मा अफगानिस्तान, माल्दिभ्स, श्रीलंका र भुटान छन् । नेपालको सर्वाधिक लोकपि्रय खेल हो, फुटबल । नेपालले आयोजना गर्न लागेको तेस्रो ठूलो फुटबल प्रतियोगिता पनि हो, आठौं साफ । यसअघि नेपालले १९९७ मा पहिलो साफ र २०१२ मा एएफसी च्यालेन्ज कपको फाइनल चरण आयोजना गरेको थियो । सफल आयोजना गरे पनि नेपालले च्यालेन्ज कपको सबै खेलमा हार बेहोर्यो । गोल पनि गर्न सकेन । फागुनमा काठमाडौंमै भएको च्यालेन्ज कप छनोटमा नेपाल असफल भयो । 'पछिल्ला समयको नतिजा बिर्साउन पनि नेपाललाई साफमा सफलता चाहिएको छ,' राष्ट्रिय टिमका पूर्वकप्तान राजुकाजी शाक्यले भने, 'साफले अहिले फुटबलको माहोल तताएको छ । घरेलु मैदान, दर्शक र जित्नैपर्ने दबाबलाई सकारात्मक रूपमा लिएर धैर्यतासाथ खेले नेपाल साफ च्याम्पियन हुन सक्नेछ ।' उनकै नेतृत्वमा नेपालले दुई दशकअघि दक्षिण एसियाली खेलकुदमा स्वर्ण जितेको थियो ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.