कांगेसका नेताले साटे भारत र नेपालको अनुभव केन्द्रीय कार्यसमितिको बैठक चाँडै बोलाइने

भिडियो हेर्नको माथि को बक्स मा डबल क्लिक गर्नु होस्

२६ साउन, काठमाडौं । नेपाली कांग्रेसका नेताहरुले भारत भ्रमण र नेपालको पछिल्लो राजनीतिक घटनाक्रमबारे एक-अर्कामा अनुभव साटासाट गरेका छन् ।

कांग्रेस सभापति सुशील कोइरालाको टोली भारत भ्रमणबाट फर्किएको भोलिपल्ट शनिबार सभापति निवास महाराजगञ्जमा केन्द्रीय नेताहरुको अनौपचारिक बैठकमा नेताहरूले मुलुकको पछिल्लो राजनीतिक घटनाक्रमबारे आपसमा ब्रिफिङ गरेका हुन् ।

बैठकमा सभापति र महामन्त्रीहरुले भारत भ्रमणबारे नेताहरुलाई जानकारी दिनुभएको थियो भने उपसभापति रामचन्द्र पौडेल र शेरबहादुर देउवाले सभापति कोइरालाको अनुपस्थितिमा भएका राजनीतिक छलफल र प्रगतिबारे रिपोटिङ गर्नुभएको कोइरालाका स्वकीय सचिव लक्ष्मण ढकालले आनलाइनखबरलाई बताउनुभयो । बैठकमा उपसभापति पौडेलले मोहन वैद्यसँग भएको छलफलबारे सभापतिलाई जानकारी गराउनुभएको थियो ।

यसैवीच कोइराला भारतबाट फर्किइसकेकाले निर्वाचनको रणनीति तय गर्न नेपाली केन्द्रीय कार्यसमितिको चाँडै बोलाउने कांग्रेस नेताहरु निश्कर्षमा पुगेको स्रोतले बतायो ।