भिडियो हेर्नको माथि को बक्स मा डबल क्लिक गर्नु होस्
नयाँ दिल्ली, श्रावण २१ - भारतीय प्रधानमन्त्रीको औपचारिक निम्तो पाएर दिल्ली आएका नेपाली कांग्रेसका सभापति सुशील कोइरालाले सोमबार बिहान राजघाटस्थित महात्मा गान्धीको समाधीस्थलमा गएर श्रद्धान्जलि व्यक्त गरेका छन् । भारत सरकारका बिशिष्ट पदाधिकारीसाग भेटघाटपूर्व नेता कोइरालाले राजघाट जान चाहेकाले अरु नियमित तालिकामा यो कार्यक्रम थप गरिएको हो । कोइरालाका साथमा महामन्त्रीद्धय कृष्णप्रसाद सिटौला र प्रकाशमान सिंह तथा दिल्लीस्थित कार्यबाहक राजदूत खगनाथ अधिकारी पनि राजघाट पुगेका थिए । महामन्त्री सिटौलाका अनुसार कोइराला बसेको कनटप्यालेसस्थित होटल ललिलतमा विदेश सचिव सुजाता सिंह सोमबार दिउासो भेटवार्ता गर्न आउने भएकी छिन् । कोइरालाले प्रधानमन्त्री मनमोहन सिंह तथा प्रधानमन्त्रीका राष्ट्रिय सुरक्षा सल्लाहकार शिवशंकर मेननसाग सोमबार अपरान्ह भेटवार्ता गर्दैछन् । 'निर्वाचन र शान्ती प्रकृयाको प्रमुख प्राथमिकतामा कुराकानी हुनेछ,' सिटौलाले भने- 'केही राष्ट्रिय प्राथमिकताका विकास कार्यक्रममा भारतसागको साथ-सहयोग माग्दैछौं ।' उनले कांग्रेसबाट पूर्व प्रधानमन्त्रीको हैसियतमा यसअघि शेरबहादुर देउवाको दिल्लीको भ्रमण भएकेा र यसपटक पार्टी सभापतिको भिन्न हैसियतमा कोइरालालाई भ्रमणको निम्तो दिइएको जानकारी दिए ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.