मलिक आमिर, जसले जुँगाका लागि ज्यान जोखिममा राखे

भिडियो हेर्नको माथि को बक्स मा डबल क्लिक गर्नु होस्

पाकिस्तानको पेशावर शहरमा बस्ने मलिक आमिर मोहम्मदको पहिचान उनको जुँगा हो । तर, यसका कारण उनले चर्चामात्र पाएका छैनन्, हत्याको धम्की पनि सहनु परेको छ । तर पनि उनी आफ्नो जुँगालाई सिङ झै बनाएर हिड्छन् ।

जसका लागि उनी दैनिक आधा घण्टा समय छुट्याउँछन् । उनी जुँगामा तेल मात्र लगाउँदैनन्, चिटिक्क पार्न गर्नु पर्ने केही बाँकी राख्दैनन् । पाकिस्तानमा चमपन्थी गुटलाई भने उनको जुँगा स्वीकार छैन । २००९ मा लश्कर-ए-इस्लाम नामको संगठनले उनलाई अपहरण नै गरेको थियो । जुँगा काट्न सहमत भएपछि मात्र उनलाई छाडिएको थियो । उनी भन्छन्-’मलाई मार्छन कि भन्ने डर लागेको थियो ।’

अपहरण मुक्त भएपछि उनी अन्तै बस्न थाले तरपनि धम्मकी आउने क्रम रोकिएन । जसका कारण उनले पेशावर छाडे र पन्जाब प्रान्तको फैसलाबादमा आएर बस्न थाले तर, जुँगा पाल्न छाडेनन् ।

अहिले उनी अब महिनामा एक दुई पटक परिवारलाई भेटन् पेशावर जान्छन् । जुँगाकै लागी किन आफ्नो जीवनलाई जोखिममा राखेको भन्ने प्रश्नमा उनले भने-’मानिसहरु मलाई ठूलो सम्मान दिन्छन् । यही मेरो पहिचान हो ।’

बीबीसीको सहयोगमा