अपडेट : कांग्रेस मजदुरमा देउवा समूहको अग्रता कायमै कोइराला समूह बाँडियो

भिडियो हेर्नको माथि को बक्स मा डबल क्लिक गर्नु होस्

चितवन, भाद्र १२ - काठमाडौं- कांग्रेसको भ्रातृ संगठन ट्रेड युनियन कांग्रेस-स्वतन्त्रको पाँचौं महाधिवेशनमा शेरबहादुर देउवा निकट उम्मेदवार अगाडि देखिएका छन् । देउवा निकट खिलानाथ दाहाल नेतृत्वको प्यानल अधिकांश पदमा अगाडि छ । बुधबार मध्यान्हसम्ममा ११ सय ६५ मत गणना सकिंदा दाहालले संस्थापन पक्षका पुष्कर आचार्यलाई ६१ मतले पछाडि पारेका छन् । दाहालले ५ सय ८० र आचार्यले ५ सय १९ मत ल्याएका छन् । पार्टी सभापति सुशील कोइराला पक्षधरबाट अध्यक्षमा आचार्य भए पनि देउवा पक्षका दाहाललाई कोइराला क्याम्पका धेरैले समर्थन गरेपछि कडा प्रतिस्पर्धा देखिएको हो । महासचिवमा पनि दाहाल प्यानलकै ध्रुवचन्द्र गौतम अगाडि छन् । गौतमले ३ सय ४७, महेन्द्रप्रसाद यादवले ३ सय ३७ र अच्युतराज पाण्डेले ५४ मत पाएका छन् । निर्वाचन संयोजक योगेन्द्रबहादुर अधिकारीका अनुसार, १ हजार ५ सय ६१ मत खसेको छ । बन्दसत्र नगरिएको भन्दै केही प्रतिनिधि घर फकिर्एका थिए । तीन दिनसम्म चलेको महाधिवेशनमा देशभरका कार्यकर्ता बाँडिएपछि बन्दसत्र प्रभावित हुँदा एकैचोटि निर्वाचन गरिएको हो । देशभरबाट आएका १ हजार ६ सय प्रतिनिधि कोइराला र देउवा समूहमा विभाजित भएपछि बन्दसत्रमा उठ्नुपर्ने विभिन्न प्रतिवेदन त्यसै थन्किएका छन् । २३ वर्षपछि हुन लागेको महाधिवेशनमा नेतृत्वकै लागि देउवा र कोइराला पक्षको हानथाप चल्यो ।