कोरियामा प्रति घण्टा न्यूनतम ज्यालामा ३५० वानले बृद्धि

भिडियो हेर्नको माथि को बक्स मा डबल क्लिक गर्नु होस्

मीनप्रकाश उप्रेती

२१ असार, सउल । कोरियन सरकारले मजदुरहरुको न्युनतम ज्यालामा बृद्धि गरेको छ । साना तथा मझैाला उध्योगमा कार्यरत मजदुरहरुका लागि लागु हुने गरि कोरियाले न्यूनतम ज्याला बृद्धि गरेको हो । मजदूरके न्युनतम ज्याला निर्धारण समितिले प्रति घण्टा न्युनतम ज्यालामा ३ सय ५० वनले बृद्धि गरेको जनाएको छ । सरकारले विगतका वर्षमा गर्दै आएको ज्याला बृद्धिलाई नै यस पटक पनि निरन्तरता दिएको हो ।

यस भन्दा अघिको ज्याला निर्धारण समितिको छैटैा बैठकले मजदूरको ज्याला ६ .१ प्रतिशतले बृद्धि गरेको थियो । सोहि समितिको सातैा बैठकले ७ .२ प्रतिसतले ज्यालामा बृद्धि गरेको हो । जसअनुसार हप्तामा ४० घण्टा काम गर्ने मजदुरहरुको मासीक ज्याला १० लाख ८८ हजार ७ सय ९० वन हुने भएको छ । बृद्धि भएको ज्याला भने मजदुरहरुले आगामी बर्ष २०१४ देखि मात्र पाउने भएका छन । ज्याला बृद्धिबाट कोरियामा बैधानिक तथा अबैधानिक रूपमा काम गर्दै अएका करिव २५ हजार नेपालीहरुले लाभ लिने भएका छन । न्युनतम ज्याला निर्धारण समितिमा मजदुर , सरकार र मालिक पक्षको प्रतिनिधित्व रहने गरेको छ ।

 मजदुर पक्षको प्रतिनिधित्व कोरियन प्रजातान्त्रिक मजदुर महासंघ (केसिटियु)ले गर्दै आएको छ । हाल तोकिएको न्युनतम ज्जाला निर्धारणमा पटक पटकको बैठकमा केसिटियुले असहमति जनाउँदै आएको थियो । अन्तिम बैठकमा केसिटियुका प्रतिनिधिहरु असन्तुष्टि जनाउँदै बैठकबाट बाहिरिए पछि निर्णय हुन ढिला भएको थियो । बृद्धि गरिएको ज्यालाले जिवन धान्न कठिन हुने भन्दै केसिटियुले यसमा बिरोध जनाएको छ । सो संगठनले २०१४ का लागि बृद्धि हुने मजदुरहरुको न्युनतम ज्याला प्रतिघण्टा ५ हजार ९ सय १० वन हुनुपर्ने माग राख्दै आएको थियो ।