भिडियो हेर्नको माथि को बक्स मा डबल क्लिक गर्नु होस्
चीनमा इन्टरनेट प्रयोगकर्ताको संख्या ५९ करोड नाघेको छ । चीनको इन्टरनेट नेटवर्क इन्फरमेसन सेन्टरले सार्वजनिक तथ्यांक अनुसार चीनमा ५९ करोड १० लाख मानिसले इन्टरनेट सेवा प्रयोग गरिरहेका छन् ।
त्यसमध्ये ४६ करोड ४० लाखले स्मार्टफोन तथा अन्य वायरलेस डिभाइसमार्फत इन्टरनेट प्रयोग गर्ने गरेका छन् । पछिल्लो तथ्यांकले एक वर्षमा चिनिया इन्टरनेट प्रयोगकर्ताको संख्या १० प्रतिशतले बढेको र देशका ४४ प्रतिशत नागरिकले इन्टरनेट सेवा प्रयोग गरिरहेका देखाएको हो ।
यो हप्ताको सुरुमा चिनको सबैभन्दा लोकपि्रय सर्च इन्जिन बैदुले देशको एक प्रख्यात वायरलेस वेबसफ्ट १ अर्ब ९० करोड डलरमा खरीद गर्न लागेको घोषणा गरेको थियो ।
चीनमा माइक्रोब्लगिङ साइट सिना वेबो पछिल्लो समय निकै चर्चित बनेको छ । यसका दैनिक ४ करो ६० लाख प्रयोगकर्ता छन् । त्यस्तै वेब म्यासेजिङ सेवा टेन्सेन्टका प्रयोगकर्ता ७९ करोड ८२ लाख छन् । यो सेवा चीनमा मात्र नभएर इण्डोनेसिया लगायतका देशमा पनि लोकपि्रय छ ।
तथ्यांक अनुसार सन् २००९ मा चीनमा ३३ करोड ८० लाख इन्टरनेट प्रयोगकर्ता थिए ।
चीन विश्वमा सबैभन्दा धेरै जनसंख्या भएको देश मात्र होइन सबैभन्दा बढि इन्टरनेट प्रयोगकर्ता भएको देश पनि हो । चीनमा ५९ करोड १० लाख इन्टरनेट प्रयोगकर्ता छन् ।
दोश्रो स्थानमा रहेको अमेरिकामा २५ करोड ४० लाख इन्टरनेट प्रयोगकर्ता छन् । तेश्रो स्थानमा भारत रहेको छ । भारतमा १५ करोड २० लाख इन्टरनेट प्रयोगकर्ता रहेका छन् । चौथो स्थानको जापानमा १० करोड १० लाख र पाँचौ स्थानको ब्राजिलमा ९ करोड ९० लाख जना इन्टरनेट प्रयोगकर्ता रहेको तथ्यांकले देखाएको छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.