बजेटबारे अर्थ नै अन्योलमा

भिडियो हेर्नको माथि को बक्स मा डबल क्लिक गर्नु होस्

१९ असार, काठमाण्डौं । पूर्ण आकारको बजेट ल्याउने अन्तिम गृहकार्यमा रहेको सरकार प्रमुख राजनीतिक दलले स्पष्ट खाका नदिएपछि अन्योलमा परेको छ । कस्तो बजेट ल्याउने भन्ने विषयमा अर्थ मन्त्रालयका अधिकारी झनै अन्योलमा परेका छन् ।

उच्चस्तरीय राजनीतिक संयन्त्रले कस्तो बजेट प्रस्तुत गर्ने भन्ने विषयमा सरकारलाई केही सुझाव दिएको छैन् । सोही कारण बजेट निर्माणमै अन्योल छाएको छ ।

अर्थमन्त्रालयका बरिष्ठ आर्थिक सल्लाहकार डा. चिरन्जीवी नेपालले प्रमुख दलहरुबाटा केही सुझाव नआएकाले बजेट निर्माण प्रक्रिया नै अन्योलमा परेको बताए ।

‘दलहरुले प्रस्ट केही नभनेपछि कस्तो बजेट ल्याउने र कुन आकारको हुने भन्नेमै अन्योलता देखिएको छ,’ नेपालले भने । एकीकृत नेकपा माओवादी, नेपाली काँग्रेस, एमाले र मधेसवादी दलले स्पष्ट संकेत नदिएपछि अर्थ मन्त्रालय अन्योलमा परेको उनको भनाई रहेको राजधानी दैनिकमा खबर छ ।