प्रिन्सिपललाई सकेट बम उपहार

भिडियो हेर्नको माथि को बक्स मा डबल क्लिक गर्नु होस्

जनकपुर, असार २२ - यहाँका एक आवासीय विद्यालयका पि्रन्सिपललाई चन्दा आतंक मच्चाउने समूहले सकेट बम उपहार पठाए । त्यसो गर्नुको कारणचाहिँ उनीहरूले मागे जतिको चन्दा पि्रन्सिपलले दिन नमान्नु थियो । त्यसको झोंकमा समूहले सकेट बम उपहार पठाएका हुन् । तिनै गिरोहका चार जना पक्राउ परेका छन् । पक्राउ पर्नेमा एमाओवादीका केन्द्रीय सदस्य श्रवण बरबरिया यादवका छोरा १९ वषर्ीय विजयकुमार, ठेकेदार तथा म्यानपावर कम्पनी सञ्चालक सवैला ९ का ३२ वषर्ीय जीवछ यादव, चक्कर २ का २७ वषर्ीय इसराइल मन्सुर तथा रघुनाथपुर २ का प्रमोद कापर रहेको प्रहरीले बतायो । प्रहरी उपरीक्षक वसन्त पन्तले शुक्रबार पत्रकार सम्मेलनमार्फत पक्राउ परेकालाई सार्वजनिक गरे । जनकपुरका विभिन्न भागबाट उनीहरूलाई पक्राउ गरिएको उनले बताए । पन्तका अनुसार आरोपीहरूले जनकपुर १ किशोरीनगरमा सञ्चालित मदर टेरेसा पब्लिक हाईस्कुलका पि्रन्सिपल गोविन्द चन्द्रासँग नेपाली तथा भारतीय मोबाइलबाट पटक-पटक फोन तथा एसएमएस गरी चन्दा मागेका थिए ।