फिफा बरियतामा नेपालको दुई स्थान फड्को

भिडियो हेर्नको माथि को बक्स मा डबल क्लिक गर्नु होस्

२० असार, काठमाण्डौ । नेपाल फिफा बरियतामा दुई स्थान फड्को मारेको छ । विश्व फुटबलको नियमनकारी निकाय फिफाले विहीवार सार्वजनिक गरेको नयाँ फुटबल बरियातामा नेपाल दुई स्थान फड्को मार्दै एक सय ६९ औँ स्थानमा उक्लिएको हो ।

यसअघि नेपाल एक सय ७१ औँ स्थानमा रहेको थियो । दक्षिण एशियामा अफगानिस्तान सवैभन्दा अग्रस्थान (१ सय ४० औँ ) स्थानमा छ ।

यसैगरी भारत १ सय ४६, बंगलादेश १ सय ५२, माल्दिभ्स १ सय ५४, पाकिस्तान १ सय ६७, श्रीलंका १ सय ७१ र भुटान २ सय ७ औँ स्थानमा छन् । फिफा बरियतामा स्पेन एक नम्बरमा छ ।

यसैगरी जर्मनी दोस्रो, कोलम्बिया तेस्रो, अर्जेन्टीना चौथो, नेदरल्याण्ड्स पाँचौ स्थानमा रहेका छन् । गत सोमवारमात्रै  कन्फेडेरसन कप फुटबलमा हृयाट्रिक गरेको ब्राजिल १३ स्थान फड्को मार्दै नवौँ  स्थानमा उक्लिएको छ ।