बैद्यले शीर्ष नेतृत्वलाई सिध्याउन लागेको प्रचण्डको सूचना

भिडियो हेर्नको माथि को बक्स मा डबल क्लिक गर्नु होस्

१६ साउन, काठमाण्डौ । के एमाओवादी अध्यक्ष प्रचण्डले आफ्नो पार्टीको शीर्ष नेतृत्वलाई चुनावको मुखमा बैद्य समूहबाट ज्यान लिने तहसम्मको खतरासम्बन्धी सूचना पाएकै हुन ? उच्चस्तरीय राजनीतिक संयन्त्रको आइतवारको बैठकमा उनले गरेको यससम्बन्धी रिपोर्टिङ सवैलाई झस्काउने खालेको थियो ।

‘ठूलै म्यासेज दिन उपल्लो तहका नेतालाई नै सिध्याउने योजना बनाएका छन, यसो गर्दा भयंकर प्रचार हुने र चुनाव बिथोल्न ठूलो मसला पनि मिल्ने उनीहरुको सोचाई छ ।’ प्रचण्डले वैठकमा यस्तो रिपोर्ट गरेको बुधबार प्रकाशित जनआस्था साप्ताहिकलेा छापेको छ ।

आफ्नो भनाईलाई पुष्टी गर्न उनले महोत्तरीमा अघिल्लो साता तराईको एउटा शसस्त्र समूहले फोरम कार्यकर्तामाथि गोली प्रहार गरेको र बझाङमा बैद्य समूहले काँग्रेसका क्षेत्रीय सदस्यमाथि गम्भीर आक्रामण गरेको घटना बिबरण प्रस्तुत गरेका थिए ।

‘दिल्लीमा सम्पन्न १२ बुँदै सम्झौतादेखि नै भाँडिएका हुन, त्यहीँबाट गल्ती भयो र त्यसलाई सच्चाउनुपर्छ भन्ने उनीहरुको छ, यीनले चुनावको कुरा त गर्छन तर भाग लिंदैनन ।’- प्रचण्डको निष्र्कष थियो ।

बिजयकुमार गच्छदारले पनि जेपी गुप्ताले तराईका पाँच जना नेतालाई रातो घेरा लगाएर थ्रेट गरेको भन्दै चुनाव नचाहाने तत्वले आफुहरुमाथि खतरा निम्त्याएको बताएका थिए । फिल्डमा खट्ने तल्लो तहका कार्यकर्ता र मतदाताको सुरक्षाबारे उदासीन रहँदै एकोहोरो चुनावी रटान लगाइरहेका यी नेता आफ्नै सुरक्षा खतराको थोरैमात्र संकेत पाउँदासमेत यसरी आत्तिएका हुन् ।

यसअघि अशोक राईको जातीय पार्टी र उपेन्द्र यादवको क्षेत्रीय पार्टीले कुनै हालतमा चुनाव रोक्न जस्तोसुकै कदम चाल्ने धम्की दिंदा नपत्याएका ठूला दलहरुले बादलले रत्नपार्कमा नक्कली मतपेटिका फुटाएपछि उनीहरुको सातो गएको समाचारमा उल्लेख छ ।

बैद्यको संगठन सैन्य संरचनामा

यसैवीच नेकपा-माओवादीले मंसिर ४ को चुनाव हुने र राज्यसंग टकराव बढ्ने निष्र्कष निकाल्दै आफ्नो संगठनलाई अर्धसैन्य संरचनामा लैजान थालेको छ । एक राज्यसमितिमा एक प्लाटुन निर्माण गरी हाल तालिम सुरु गरिसकेको र त्यसैलाई बढाएर डिभिजन तहसम्म लैजाने योनामा बैद्य समूह रहेको जनआस्था साप्ताहिकले छापेको छ । यसबारे सोमबार तालिम र प्रशिक्षण भएको र त्यहाँ नेताहरुले तत्काल नेता कार्यकर्ताको जीवनशैली र बसोबास तत्काल बिकेन्द्रीत गर्ने, चर्को आर्थिक चलखेल गर्ने, बिचौलिया दलालमाथि अर्धभूमिगत शैलीको कारवाही गर्ने र कारवाहीमा संलग्नहरुको परिचय गोप्य राख्ने निर्देशन दिएको तालिममा सहभागी एक कार्यकर्तालाई उदृत गर्दै समाचारमा जनाइएको छ ।

माओवादीले हरेक क्षेत्रमा राजनीतिक रुपमा निर्वाचन बहिस्कार दल र फौजीरुपमा युवा प्रतिरोध दल निर्माण गरिसकेको छ । बहिस्कार दलको नेतृत्व जिल्लाले र प्रतिरोध दलको नेतृत्व जनस्वयंसेवक दस्तामा संलग्न पूर्व लडाकू कमाण्डर वा लडाकू स्वभावका कार्यकर्ताले गर्ने गरी जिम्मेवारीसमेत बाँडफाँड भइसकेको जनाइएको छ ।