भिडियो हेर्नको माथि को बक्स मा डबल क्लिक गर्नु होस्
काठमाडौ, असार २० - टि्वनअटर चलाउन १५ जना मुख्य चालक (क्याप्टेन) माग्दै नेपाल वायुसेवा निगमले करिब दुई महिनाअघि विज्ञापन निकाल्यो । एकमहिने म्याद सकियो तर एउटै आवेदन परेन । अर्को सूचना सार्वजनिक गर्यो । त्यसलाई पनि कसैले वास्ता गरेन । अनि उसले तेस्रो पटक आवेदन माग्यो । पछिल्लो चोटि आवेदन त पर्यो तर सात जनाको मात्रै । यसले निगमको सेवा, विश्वसनीयता र सुविधामा प्रश्न उठेको छ । 'जहाज भएर मात्र हुँदैन, उडाउन क्याप्टेन चाहिन्छ,' निगमका वरिष्ठ क्याप्टेन विजय लामाले भने, 'जहाँ आफ्ना लागि बढी सुविधा र पारिश्रमिक हुन्छ । सबै त्यहीं काम गर्न चाहन्छन् ।' निजी कम्पनीमा बढी सुविधा भएकाले निगमको आकर्षण नरहेको उनले बताए । 'हामी मूर्ख हांै या निगमप्रति बढी इमानदार, बुझ्न सक्दिनँ,' उनले भने, 'यहाँको सुविधामा चित्त बुझाएर बसिरहेका छांै ।' उनका अनुसार एयरबस ल्याएपछि पनि क्याप्टेन थप्नुपर्छ । 'व्यवस्थापनले अहिले नै सोच्नुपर्छ,' उनले औंल्याए, 'नभए फेरि सूचना जारी गर्ने काम मात्र हुन्छ ।' निजीमा क्याप्टेनको मासिक तलब औसत ४ लाख रुपैयाँ हुने गर्छ । निगममा भने बढीमा ४० हजारसम्म हुने एक अधिकारीले बताए । मुलुकमा बेरोजगार क्याप्टेन हुँदै नभएका पनि होइनन् । वायुसेवा सञ्चालक संघ -आयोन) का महासचिव रूपेश जोशीका अनुसार १० जना क्याप्टेनले जागिर पाएका छैनन् । 'निजीमा पाए सबै जान्छन्,' उनले भने, 'उस्तै काम गरेर थोरै तलब खान कसले चाहन्छ ?' अहिले बुद्ध एयरमा ३०, यती र तारामा ४५, सिमि्रकमा ५ क्याप्टेन छन् । सीता, गोमा, मकालुमा गरी २० क्याप्टेन छन् । निगमका प्रवक्ता गणेशबहादुर चन्दले भने छाडेर गएका क्याप्टेनले पनि आफूलाई करारमा राखिदिन आग्रह गरेको बताए । 'यहाँ नभए बाहिरबाट पनि पाइलट ल्याउन सकिन्छ,' उनले भने, 'तालिम दिएर नयाँ पुस्ता ल्याउन सक्छौं । पुरानाले नै चलाउनुपर्छ भन्ने छैन ।' निगमको प्रशासनिक तह भने अत्यन्तै आकर्षक मानिन्छ । उसले यसअघि मागेको १ सय १९ जनाको सिटमा २३ हजारले आवेदन दिएका थिए । विमान चालक र इन्जिनियर भने जागिर छाडेर निजी कम्पनीमा गएका छन् । बजारमा को-पाइलटको भने कमी छैन । जागिर नपाएर झन्डै २ सय त्यस्ता पाइलट बरोजगार छन् । 'सिंगल फ्लाइट अपरेन' ले पनि केही समस्या देखिएको जोशीको बुझाइ छ । 'पहिले जेट उडाउनेले टि्वनअटर पनि उडाउँथे,' उनले भने 'अहिले एउटा पाइलटले एउटै किसिमको जहाज उडाउनु पर्दा अपुग देखिएको हो ।'
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.