दुई नाबालकसहित महिलाले नहरमा हाम फालिन्

भिडियो हेर्नको माथि को बक्स मा डबल क्लिक गर्नु होस्

विराटनगर, असार १७ - सुनसरीको बराहक्षेत्रस्थित कोसीको नहरमा आफ्ना दुई नाबालकसहित एक महिला हाम फालेकी छन् । बराहक्षेत्र ६ की ३५ वर्षीया दमन्ती भट्टराई तीन वर्षीय छोरा सुजन र एक वर्षीया छोरी भूमिकासहित नहरमा सोमबार बिहान हाम फालेकी हुन् । घटनापछि पुगेको प्रहरी टोलीले उनकी छोरी भूमिकालाई मृत अवस्थामा फेला पारेको छ । उनका तीन वर्षीय छोरा सुजन बगेर बेपत्ता भएका छन् । छोराछोरीसहित नहरमा हामफाल्ने दमन्तीलाई बेहोस अवस्थामा उद्धार गरेको छ । उनको स्थानीय स्वास्थ्य संस्थामा उपचार भइरहेको इलाका प्रंहरी कार्यालय महेन्द्रनगरले जनाएको छ ।