चार नेपाली चलचित्र ओस्कार फिल्मको प्रतिस्पर्धामा

भिडियो हेर्नको माथि को बक्स मा डबल क्लिक गर्नु होस्

ओस्कार फिल्म फेस्टिभलमा नेपालबाट सहभागिताका लागि चारवटा नेपाली चलचित्रलाई प्रतिस्पर्धा गरेका छन् । ओस्कारको नेपालस्थित विदेशी भाषाको सर्वोत्कृष्ट चलचित्र छनोट समितिले नेपाली चलचित्र सुनगाभा, साँघुरो, बधशाला र शिरीषको फुल चलचित्रलाई हेरिसकेको छ । ती चलचित्रमध्ये एउटालाई ओस्कार अवार्डमा पठाइनेछ । छनोट भएको चलचित्रलाई असोज २५ गतेसम्ममा लस एन्जल्स पठाइसक्नुपर्नेछ । नेपालबाट छनोट भई ओस्कारमा पुगेको चलचित्र पुन: ओस्कारको मुख्य छनोट समितिमा पुग्नेछ । सो समितिबाट पनि छनोट भएमा मात्र ओस्कारको विदेशी भाषा फिल्म पुरस्कारका लागि प्रतिस्पर्धा गर्न पाउने छ । छनोट समितिका अध्यक्ष विमल पौडेलको अनुसार, यही साता नै चार चलचित्रमध्ये एउटालाई छनोट गरी ओस्कारमा पठाइने छ । छनोट समितीमा लक्ष्मीनाथ शर्मा, प्रदीप उपाध्याय, राजु विक्रम थापा र लोकेन्द्र पराजुली सदस्यको रुपमा छन् ।