सरकारको ४० लाख खर्चमा पढेका डाक्टर गाउँ जान मानेनन्

भिडियो हेर्नको माथि को बक्स मा डबल क्लिक गर्नु होस्

२२ असार, काठमाण्डौं । पाँच बर्ष दुर्गममा बस्ने प्रतिबर्द्धता गरेर सरकारको पूर्ण छात्रवृत्तिमा एमबिबिएस पढेका चिकित्सकहरु पढाई सकिएपछि दुई बर्षका लागि दुर्गम जान पनि अटेर गरिरहेका छन् ।

पछिल्लो पटक विभागले खटाएकामध्ये सात चिकित्सकले खटाएको ठाउँमा नजान एक महिनादेखि पत्रै amुभेका छैनन् । दुर्गम नखटाउनुस् भन्द्र दबाब दिन स्वास्थ्य मन्त्रालय र विभागमा भने घाइरहेका छन् । उनीहरुलाई सरकारले ३० देखि ४० लाख रुपैयाँ लाग्ने एमबिबिएस तहको अध्ययन निःशुल्क गर्ने अवसर जुटाइएको थियो ।

मध्यजेठमा शिक्षा मन्त्रालयले विभागको सम्पर्कमा खटाएका ४० मध्ये आधाभन्दा बढी चिकित्सकले जिल्ला परिवर्तन गराएर सुगम सरिसकेका छन् । विभागले पछिल्ल्ोपटक जाजरकोट, संखुवासभा, गुल्मी, बर्दिया, सगरमाथा अञ्चल अस्पताल र महाकाली अञ्चल अस्पतालमा खटाएका चिकित्सकले पत्र नबुझेको विभागका उपसचिव पुष्प कटुवालले बताए । पत्र बुझ्न नमानेका चिकित्सक रोजेको जिल्ला जान राजनीतिक र प्रशासनिक दबाब दिन दिनहुँजसो मन्त्रालय या विभागमा भेटिने गरेको अधिकारीहरु नै बताउँछन् । विभाग अधिकारीले गाउँ जान अटेरी गर्ने चिकित्सकको नाम दिन भने नमानेको नागरिक दैनिकमा खबर छ ।

छात्रवृत्ति ऐन २०२१ अनुसार छात्रवृत्तिमा पढेका विद्यार्थीले पाँच बर्ष अनिवार्य सरकारले खटाएको ठाउँमा काम गर्नुपर्छ ।