रेजिना विरुद्ध प्रहरीमा उजुरी, पासपोर्ट समेत जफत गर्न माग

भिडियो हेर्नको माथि को बक्स मा डबल क्लिक गर्नु होस्

निर्माता संघले लामो समयसम्म बार्ता मार्फत समाधान खोजेपनि नमिलेपछि नायिका रेजिना उप्रेती र निर्मात्री कविता श्रेष्ठबिचको लफडा प्रहरीसम्म पुगेको छ । जिल्ला प्रहरी कार्यलय जावलाखेलका नाउमा निर्माता संघका अध्यक्ष राजकुमार राइले सहयोगका लागि आग्रह गर्दै दोषीलाई कारवाही गर्न भन्दै वुधबार पत्र पठाएका थिए । निर्माता संघका अध्यक्ष राजकुमार राइले आफूहरुले बारम्बार मिलाउन खोज्दा पनि नमिलेपछि जावलाखेल प्रहरी प्रभागलाई सहयोगका लागि पत्र काटेको बताए । रेजिना विरुद्ध अहिले जिल्ला प्रशासन कार्यलय ललितपुर र जावलाखेल प्रहरी प्रभागमा उजुरी परेको छ । छानविन गरी कारबाही, घाटाको क्षतिपुर्ती र विदेश जानका लागि पासपोर्ट जफत गरी पाउँ भनी निर्मात्री कविता श्रेष्ठले उजुरी दिएकी हुन् । उनले गृहमन्त्रलायमा भने भोली उजुरी दिने बताएकी छिन् । रेजिनालाई प्रहरीले आइतबारसम्म पक्राउ गर्ने कविताको भनाई छ । ‘के गर्नु जति कुरे पनि नमानेपछि उजुरी दिनै पर्‍यो नी’, कविताले अनलाइनखबरसँग भनिन् । यता नायिका रेजिना उप्रेतीले भने शुक्रबार कविता विरुद्ध मानहानीको मुद्दा हाल्ने बताएकी छिन् । ‘निर्माता संघमा बार्ता हुने कुरा छ, शुक्रबार छलफल हुने थाहा पाएको छु’, उजुरीको बारेमा आफूलाई केही थाहा नभएको रेजिनाले अनलाइनखबरलाई बताएकी छिन् । अन्तत रेजिना र कविताको लफडा प्रशासनसम्म पुगेको छ ।