करणसँगै टाढा हुँदै बलिउडका तीन खान

भिडियो हेर्नको माथि को बक्स मा डबल क्लिक गर्नु होस्

बलिउडका चर्चित निर्माता तथा निर्देशक करण जोहरसँग अहिलेका चर्चित नायकहरु काम गर्न हिचकिचाइरहेका छन् । बलिउडका तीन खानहरु नै अहिले करणसँग टाढा हुँदै गएका छन् ।करण जोहरसँग बलिउडका बादशाह साहरुख नजिक मानिन्छन् । करणले साहरुख भन्दा अन्य नायकसँग काम नगर्ने उद्घोष पनि गरेका थिए । तर उनले सन् २०१२ मा निर्माण गरेको २ चलचित्रमा नै साहरुख देखिएनन् । यसैले पनि साहरुख र करणको सम्वन्ध चिसिएको बताइएको छ ।

बलिउडका अर्का चर्चित खान सलमान पनि करणसँग काम गर्न चाहदैनन् । सलमानलाई लिएर सिनेमा बनाउन करण आतुर छन् । तर सलमानले उनलाई कुनै पनि खालको भाउँ दिएका छैनन् । सलमान करणसँग राम्रो रकम हात नपारेसम्म काम गर्ने सोचमा छैनन् । उनी करणसँग काम गर्न नपरोस् भन्ने सोचाई राख्छन् ।

नायक आमिर खान पनि करणसँग काम गर्न इच्छुक छैनन् । करण यशराज ब्यारनको निर्माणमा तयार भइरहेको चलचित्र ‘धुम ३’ आफ्नो ब्यानर धर्माबाट बनाउन चाहन्थे । तर आमिरले यो कुरालाई सहर्ष नकारेका थिए । करणको निकटता साहरुखसँग रहेको वुझेकाले पनि आमिर करणसँग काम गर्न इच्छुक नदेखिएका हुन् ।

बलिउडका ३ खानसँग दुरी बढ्दै गएपछि निर्देशक करण जोहरले आफुलाई एक्लो महशुश गर्न थालेको भारतिय संचारमाध्यहरुले जनाएका छन् ।