एमाओवादी शीर्ष नेता धादिङ आउँदै

भिडियो हेर्नको माथि को बक्स मा डबल क्लिक गर्नु होस्

रामेश्वर कार्की, धादिङ, चैत २४- एकीकृत माओवादी अध्यक्ष पुष्पकमल दाहालसहित शीर्ष नेताहरु धादिङको धार्केमा आउँदैछन्। एमाओवादी विशेष व्यूरोको आयोजनामा हुन गइरहेको दुई दिने प्रशिक्षण तथा जनसभालाई सम्बोधन गर्न अध्यक्ष दाहाल, उपाध्यक्षद्वय बाबुराम भट्टराई र नारायणकाजी श्रेष्ठ, महासचिव पोष्टबहादुर बोगटीसहित केन्द्रीय नेताहरु सहभागी हुँदैछन्। खुल्ला जनसभा पश्चात सबै शीर्ष नेताहरु धादिङकोमा बसी आइबार बिहानबाट सुरु हुने प्रशिक्षण कार्यक्रममा सहभागी हुने आयोजकले जनाएको छ। आज र भोलि दुई दिनसम्म चल्ने प्रशिक्षणमा ताम्सालिङ र नेवाः राज्य समितिका १६ सय प्रतिनिधिको सहभागिता रहने ताम्सालिङ राज्य समितिका संयोजक विश्वभक्त दुलालले जानकारी दिए। प्रशिक्षणमा नेवाःबाट २ सय ८०, ताम्सालिङबाट ४ सय ३८, धादिङ जिल्लाबाट ४ सय, केन्द्रीय समितिबाट ५७ लगायत विभिन्न व्यूरोबाट प्रतिनिधि सहभागी हुनेछन्। सो सभामा नेकपा एमाले परित्याग गरी बसेका रामचन्द्र झा अध्यक्ष प्रचण्डको हातबाट टीका लगाएर एमाओवादी प्रवेश गर्ने कार्यक्रम रहेको एमाओवादी पोलिटव्यूरो सदस्य दुलालले जानकारी दिए।