पाल्पामा ५सय २३ अवैध बन्दुक संकलन

भिडियो हेर्नको माथि को बक्स मा डबल क्लिक गर्नु होस्

पाल्पा, चैत्र २१ - अवैध घरेलु हातहतियार संकलन गर्न जिल्ला प्रहरी कार्यालयले चलाएको घरदैलो अभियानबाट ५ सय २३ अवैध घरेलु भरुवा बन्दुक संकलन भएको छ । ३५ दिने अभियानमा जिल्ला प्रहरीले आफ्ना मातहतका इलाका, प्रहरी चौकी र अस्थायी प्रहरी पोष्ट अन्तर्गतका गाउँ विकास समितिबाट यस्ता हतियार संकलन भएका हुन् । प्रहरी नायव उपरीक्षक स्थानेश्वर रेग्मीले अहिलेसम्म ५ सय २३ घरेलु अवैध हातहतियार संकलन भइसकेको बताए । जसमध्ये ३ सय ६३ पूर्णरुपमा अवैध र बांकी हातहतियार लाइसेन्सवाला हुन् । जसमध्ये २७ थान टुटेफुटेको समेत संकलन भएको छ । जिल्लाका मित्यालको रुक्सेभन्ज्याङ्, खालीवनको जव्गादी, रामपुर, ताँहु बल्ढेङ्गढीलगायतका स्थानमा बढी हातहतियार संकलन भएका छन् । जिल्लामा सबैभन्दा बढी अस्थायी प्रहरी चौकी खालिबन जब्गादी अन्तर्गतका स्थानीयले १ सय ६ थान भरुवा बन्दुक बुझाएका छन् । अर्गलीतर्फबाट गि्रनेड र सकेट फेला परेको छ । हतियार मुक्त जिल्ला घोषणालाई सघाउन आˆनो घरमा पुराना भरुवा बन्दुक, हातहतियार तथा पटकाजन्य बस्तु भएमा प्रहरीमा बुझाउन प्रहरीले आग्रह गरेको हो । हातहतियार नबुझाएका, लुकाई छिपाई राख्ने प्रयास गरेको पाइएमा सम्बन्धितलाई हातहतियार खरखजना ऐन २०६४ को दफा २० बमोजिम कारबाही हुने जानकारी पाएपछि सबैले बुझाउन ल्याएका हुन् ।