मुम्बईमा घर भत्दँदा २७ जनाको मृत्यु

भिडियो हेर्नको माथि को बक्स मा डबल क्लिक गर्नु होस्

२३ चैत, काठमाण्डौं । भारतको मुम्बईस्थित ठाणेमा आज बिहान एक सात तले भवन भत्किँदा २७ जनाको मृत्यु भएको छ, ५० जना भन्दाबढी घाइते भएका छन् । भारतीय दैनिक पत्रिका टाइम्स अफ इण्डियाको अनलाइन संस्करणका अनुसार बिहान करिव साढे ६ बजे भवन भत्किएको थियो । प्रत्यक्षदर्शीहरुका अनुसार तासको घर झैं भवन ढल्दा त्यसको दोस्रो तलामा करिव १० जना बिद्यार्थीले कोचिङ कक्षा लिइरहेका थिए । यस्तै छैटौं र सातौँ तलामा काम गरिरहेका श्रमिकहरुलाई पनि उद्दार गरिएको छ । मारिने मानिसहरु स्थानीयबासीसहित एक गर्भवती महिला पनि रहेको प्रहरीले जनाएको छ । घर अवैध रुपमा निर्माण भइरहेको पनि प्रहरीको दाबी छ । दुई महिनाभित्र निर्माण गरिएको सो भवन ब्यापारिक र बसोबास प्रयोजनका लागि प्रयोग हुँदै आएको थियो ।