भिडियो हेर्नको माथि को बक्स मा डबल क्लिक गर्नु होस्
अचेल अनलाइन च्याट मनोरञ्जन, दिपक्षिय सञ्चार तथा टाइम पासको गतिलो माध्यम बन्न पुगेको छ । चिने जानेकाहरुसँग कुराकानी गर्न देखि लिएर नयाँ साथी बनाउन तथा नयाँ नयाँ मानिसहरुसँग कुराकानीको मज्जा लिन च्याट निकै उपयोगी छ । विकीपेडियाका अनुसार अनलाइन च्याट ‘च्याट’ भन्ने शब्दबाट आएको हो जसको अर्थ हुन्छ ‘अनौपचारिक कुराकानी’ । तर अनलाइन च्याटिङ जतिसुकै अनौपचारिक भएता पनि ढंग पुर्याएर च्याट गर्न सकिएन भने च्याट सम्बन्ध दिगो राख्न सकिदैन । र च्याट गर्राई रमाइलो हुनुको साटो दोश्रो व्यक्तिलाई दिक्क लाग्ने र हैरानी खेपाउने खालको हुन्छ । च्याटरुममा अपरिचित व्यक्तिसँग कसरी च्याट गर्ने भन्ने बारे व्यक्ति पिच्छे आ-आफ्नै तरिका भएता पनि केही कुरामा विचार पुर्याउन सकिएमा अनलाइन च्याट रमाइलो हुन पुग्छ र राम्रो च्याट सम्बन्ध बस्न जान्छ । प्रस्तुत छ प्रभावकारी च्याट सम्बन्धका लागि केही टिप्सहरु । १. च्याट रुममा अपरिचित व्यक्तिसँग च्याट गर्दा सामान्य रुपमा ‘हाई’ बाट कुराकानीको सुरुवात गरिन्छ र ए एस एल -एज, सेक्स, लोकेशन सोधिन्छ । तर यसरि सोध्नु राम्रो होइन किनकि अधिकांश च्याटमेटहरु सुरुमै यो बताउन चाहदैनन् । बरु, के म तपैसँग टाइम भए च्याट गर्न सक्छु । के म तपैलाई जान्न सक्छु – आदि प्रश्न सोधेर ‘हाई’ पछिको कुराकानीलाई सुचारु गर्न सकिन्छ । २. च्याट गर्दा कहिल्यै सबै क्यापिटल लेटरमा र बुझन गाह्रो हुने फन्ट र रंग प्रयोग गर्न हुन्न । एलिसिया एन्डरसन भन्दछन्- “सबै क्यापिटल लेटर क्यापिटल लेटर प्रयोग गर्दा सुट गरिरहेको जस्तो देखिन्छ ।” यस्तै बुझन गाह्रो पर्ने फन्ट र आँखालाई गाह्रो पार्ने चम्किला र मन नपर्ने रंगहरुले च्याट गर्नेलाई गाह्रो पर्छ । ३. च्याट गर्दा सम्मानजनक सभ्य र शिष्ट भाषाको प्रयोग गर्नु पर्छ । जसले तपाईको व्यक्तित्वलाई झल्काउँछ र तपाइको च्याटमेटले तपाइको कुरा काट्न सक्दैन । ४. साथीको व्यक्तिगत मामिलामा बढी प्रश्न नगर्नोस उसले बताउन नचाहेको कुरामा बढी कर नगर्नोस अझ उसका बारेमा उसलाई सोध्नु भन्दा उसको प्रोफाइल हेरेर थाहा पाउनु राम्रो हुन्छ । अनि तपाइको त यस्तो रहेछ नी है भनेर उसलाई अचम्ममा पार्नु बढो रमाइलो हुन्छ । ५. उसको रुचीलाई ध्यान दिनोस् र उसलाई मन पर्ने कुरा गर्नोस । ६. आफु कतिसम्म व्यक्तिगत जानकारी यसलाई दिदैछु विचार गर्नोस । पहिलो च्याटमै स्थान, इमेल एड्रेस, फोन नम्बर आदि माग्नु उचित हुन्न यसले तपाईको नियत माथि शंका गर्न सक्छ र आफुले पनि यस्ता व्यक्तिगत विवरण नदिनु नै राम्रो हुन्छ । ७. च्याटमा ढाँट्नु भन्दा विनम्रतापूवक म यो कुरा गोप्य राख्न चाहन्छु वा भन्न चाहन्न भन्नु पर्छ । ८. च्याट रुममा भेटिएकालाई उसको अनुमति विना याड गरी हाल्नु हुन्न । ९. उसको नाम ठेगाना रुचि आदि व्यक्तिगत कुराहरु याद राख्नोस ताकि दोहोर्याएर सोध्नु नपरोस् । यस्ता कुराहरु दोहोर्याएर सोध्नु राम्रो हुन्न यसले तपाइले उसलाई ध्यान नदिएको र्ठहर्छ । १०. इमोशन तथा स्माइलीहरुले च्याटलाई रमाइलो र रोमान्टिक बनाउने भएता पनि अर्थ नबुझी यसको प्रयोग गर्दा गलत अर्थ लाग्न सक्छ । त्यसैले इमोशनल साइनहरुको अर्थ बुझेर मात्र प्रयोग गर्नु पर्छ । ११. च्याट गर्दा कतिपय सटकट कुराहरु प्रयोग गर्नु राम्रो हुन्छ जस्तैः- LOL : Laughing out load ROTFL : Rolling on the floor laughing BRB : Be Right back IMO : in my opinion
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.