भिडियो हेर्नको माथि को बक्स मा डबल क्लिक गर्नु होस्
नेपालमा सौन्दर्य प्रतियोगिताको आयोजना सस्तो बन्दै गएको छ । कुनै समय सौन्दर्य प्रतियोगिताको विजेताको चर्चा निक्कै हुने गर्दथ्यो । तर हिजोआज नेपालकै सबैभन्दा ठूलो ब्युटी प्याजेन्ट भनिएको ‘मिस नेपाल’ को चर्चा समेत सेलाउँदै गएको छ ।यसैक्रममा एसएलसी दिएर बसेका किशोरीहरुलाई समेत विभिन्न ब्युटी प्याजेन्टको नाम दिएर सहभागी गराउने लहर नै चलेको छ । यो बर्ष मात्र एसएलसी दिएर बसेका युवतीहरुलाई सहभागी गराएर २ वटा ब्युटी प्याजेन्टको आयोजना हुने भएका छन् ।
सिजन मिडियाले यो बर्ष पनि ‘एसएलसी पि्रन्सेस’ को आयोजना गर्ने भएको छ । विगत २ बर्षदेखि यो प्रतियोगिताको आयोजना गर्दै आएको सिजन मिडियाले आवेदन र्फम खुल्ला गरेको बताएको छ । प्रतियोगितामा विजयी हुनेले २ लाख बराबरको छात्राबृत्ती, ल्यापटप लगायतका पुरस्कार पाउनेछिन् ।
प्रतियोगितामा उपत्यका भित्रबाट ४० र मोफसलबाट १० किशोरीलाई सहभागी गराउने आयोजकले जनाएको छ । प्रतियोगिताको फाइनल असार १ गते हुनेछ । यस्तै एसएलसी दिएर बसेका विद्यार्थीहरुको क्षमता अभिबृद्धी गर्ने उद्देश्यले ‘इ प्लानेट’ नामक संस्थाले पनि ‘मिस एसएलसी’ को आयोजना गर्ने बताएको छ । अडिसनको लागि आवेदन र्फम चैत्रको अन्तिम सातामा खुलाइने आयोजकले बताएको छ ।
ब्युटी प्याजेन्ट नाफामुलक हुँदै गएपछि यसको नाममा व्यापार पनि सुरु भएको छ । नेपालमा विभिन्न नाम दिएर हुने ब्युटी प्याजेन्टका कारण यसको महत्व र चर्चा घट्दै गएको पाइन्छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.