संगीतको धुनले ९३ दिनदेखि अचेत बास्तोलालाई जगाउने प्रयास

भिडियो हेर्नको माथि को बक्स मा डबल क्लिक गर्नु होस्

१८ चैत, काठमाण्डौं । नेपाली काँग्रेसका नेता चक्र बास्तोला मस्तिष्कघातका कारण ९३ दिनदेखि अचेत छन् । पछिल्लो समय उनलाई मधुरो संगीत सुनाएर जगाउने प्रयास भइरहेको छ । बास्तोलाको होस खुल्ने सम्भावनाबारे उपचारमा संलग्न चिकित्सकहरु नै केही भन्न सक्दैनन् । भारतको दिल्लीस्थित मेदान्त अस्पतालमा ९० दिनको उपचारपछि चिकित्सककै सल्लाह अनुसार उनलाई परिवारले शुक्रबार स्वदेश फर्काएका थिए । मेदान्त अस्पतालले जटिल उपचार भइसकेको र अब ‘नसिङ केयर’ मात्रै गरे पुग्ने बताएपछि परिवारले नेपाल फर्काएका हुन् । ६८ बर्षका बास्तोलालाई शुक्रबार दिल्लीबाट एयर एम्बुलेन्समा काठमाण्डौं ल्याईएको नयाँ पत्रिकामा खबर छ । बास्तोलाको शुक्रबार दिउँसो पौने एक बजेबाट थापाथलीस्थित नर्भिक इन्टरनेसनल हस्पिटलको आइसियू वार्डको ८०१ नम्बर बेडमा उपचार सुरु भएको छ ।