भिडियो हेर्नको माथि को बक्स मा डबल क्लिक गर्नु होस्
१३ चैत, काठमाडौं । आपसमा रंगअबीर र लोला खेली मंगलबार काठमाडौं उपत्यका सहित देशका पहाडी क्षेत्रमा धुमधामसित होली पर्व मनाईंदैछ । वसन्त ऋतुको आगमनसँगै आपसी मेलमिलाप र सद्भावनाको सन्देश लिई आउने होली अर्थात फागु पर्वलाई विशेष उत्सवको रुपमा लिईन्छ । राजधानीका सडकमा बिहानैदेखि रंगअबीर खेल्ने युवायुवतीका जमघट र चहलपहल शुरु भैसकेको छ ।
होली पर्वमा रमाइलोका लागि भन्दै गाँजा, भाङ, जाँड-रक्सी जस्ता नशालु पदार्थको सेवन गर्ने, शरीरमा प्रतिकूल असर गर्ने खालका रासायनिक पदार्थ प्रयोग गर्ने तथा जथाभावी लोला हिर्काउने जस्ता विकृति बढेको छ । यस्ता विकृतिमा तपाईं पनि सामेल हुँदै हुनुहुन्छ भने सचेत हुनुहोस्, सडकबाट सिधै प्रहरी थाना जानुहोला फेरि ।
होलीको अवसरमा ईच्छा बिपरीत कसैलाई पनि जर्वजस्ती रङ अबीर लगाईएको पाईएमा समातेर कार्वाही गर्ने प्रहरीले जनाएको छ । होलीको नाममा हुने उच्छृँखल गतिबिधि रोक्न उपत्यकाका बिभिन्न ठाउँमा बिहानैदेखि सादा पोशाकमा समेत प्रहरी खटाईएका छन् । अरुले नमान्दा नमान्दै लोला हान्ने, रंग दलेर रमाइलो गर्ने गतिबिधि गरेको देख्ने बित्तिकै प्रहरीले भ्यानमा हालेर लान्छ र सार्वजनिक मुद्दा समेत लगाउन सक्छ ।
दिउसै मापसे जाँच
होलीमा जाँडरक्सी खाएर सवारी चलाउने क्रम अघिल्ला वर्षहरुमा बढेको देखेर प्रहरीले यसपाली कडा निगरानी राखेको छ । ट्राफिक प्रहरीका अनुसार उपत्यकाका बिभिन्न ठाउँमा बिहानैदेखि सवारी जाँच कडा पारिएको छ । अनुहारमा रंग पोतेर जाँडरक्सी खाई सवारी चलाएको भेटिएमा नियन्त्रणमा लिएर कार्वाही गर्ने प्रहरीको तयारी छ ।
यसरी प्रहरीले नियम कडा पारेपछि यसवर्ष अघिल्ला वर्षहरुको तुलनामा विकृति कम देखिएको छ ।
जथाभावी रंगले स्वास्थ्यमा असर
होली मनाउने क्रममा लिड अर्थात सिसायुक्त रंग र पेन्ट्सले अनुहार रंग्याएर हिँड्ने चलन पनि बढ्न थालेको छ । यसले एकछिन रमाइलो त बनाउला । तर जिन्दगीभर स्वास्थ्य समस्या पनि झेल्नुपर्ने हुन्छ । त्यसैले जथाभावी रंग र पेन्ट्स प्रयोग नगर्न चिकित्सकले सुझाव दिएका छन् । सिसायुक्त रंग र पेन्ट्सले छालामा एलर्जी हुने, छाला डढाउने, फोका आउने, छालाजन्य रोग लागेर दाग बस्ने र चाउरी पर्ने समस्या हुने भएकाले सावधानी अपनाउन चिकित्सकको सल्लाह छ ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.