नयाँ प्रदीप नेपाल !

भिडियो हेर्नको माथि को बक्स मा डबल क्लिक गर्नु होस्

नेपाली कांग्रेसका युवा नेता गगन थापाले सार्वजनिक रूपमा पार्टीसँग मागै गरे, "एमाओवादी अध्यक्ष प्रचण्ड जहाँबाट चुनाव लड्छन्, पार्टीले मलाई त्यहीँबाट उठ्न टिकट देओस्।" यस्तै माग पहिलेपहिले एमाले नेता प्रदीप नेपालले पनि गर्थे, कृष्णप्रसाद भट्टराई र मदन भण्डारीका कारण चर्चित निर्वाचन क्षेत्र काठमाडौँ १ बाट आफूलाई उम्मेदवार बनाइयोस् भन्दै। प्रदीपका लागि आफ्नो गृहजिल्ला भोजपुरमा टिकट पाउने स्थिति थिएन। त्यहीँ एकसे एक नेता थिए। फेरि, भोजपुर जाने अल्छीले उनी कांग्रेस नेता भट्टराईसँग चुनाव लड्छु भन्दै काठमाडौँ १ माग गर्थे। अहिले गगन त्यति बेलाका प्रदीप नेपालको जस्तै अवस्थामा पुगेका देखिन्छन्। गगनले गृहजिल्ला सोलुबाट टिकट ताक्ने हो भने बलबहादुर केसीको तारो बन्नुपर्ने स्थिति छ भने काठमाडौँमा आफ्नो निश्चित निर्वाचन क्षेत्र छैन। कोइराला परिवारको 'नेगेटिभ लिस्ट'मा रहेकाले पार्टीले टिकट नै दिने हो कि होइन, त्यो पनि ठेगान छैन। त्यसैले प्रचण्डसँग चुनाव लड्छु भनेर टिकट 'कन्र्फम' गर्न खोजेका त होइनन् ? - सीताराम बराल