हो म पछि परेँ : दिलिप रायमाझी

भिडियो हेर्नको माथि को बक्स मा डबल क्लिक गर्नु होस्

चलचित्र ‘आदिकवी भानुभक्त’, ‘जिन्दगानी’ , ‘दर्पणछाया’ लगायतका सिनेमाले बजारमा सुपरहिटको व्यापार गर्दा नायक दिलिप रायमाझीको चर्चा सर्वाधिक माथी थियो । उनको अभिनय र नृत्यको तारिफ सबैले गर्थे । उनलाई राजेश हमाललाई पनि उछिन्न सक्ने नायकको रुपमा विश्लेषण गरिएको थियो ।तर सिनेमा नगरीमा नायक रायमाझी अहिले हराएजस्तै छन् । उनका हातमा सिनेमा छैनन् भन्दा पनि हुन्छ । सामान्य भन्दा सामान्य भिडियो फिल्ममा पनि उनी अभिनय गर्न वाध्य छन् ।

उनै नायक रायमाझीले अनलाइनखबरसँगको एक भेटमा कुरा गर्दै आफू कलाकारको रुपमा पछि परेको स्विकार गरेका छन् । तपाइको २०६९ साल कस्तो रह्यो भन्ने प्रश्नमा दिलिपले भने, ‘म यो बर्ष कलाकारको रुपमा पछि परे ।’ उनले निर्माण गरेको सिनेमा ‘मिस यू’ ले पनि खासै राम्रो व्यापार गर्न सकेन । उनले आफू कलाकारको रुपमा टिकिरहन नसकेको स्विकार गरेका छन् । एक बर्षभरी नै चलचित्र ‘मिस यू’ को विशेष प्रदर्शनका लागि आफु लण्डनमा रहेको दिलिपको भनाई छ ।

उनले आफूले हिम्मत नहारेको बताए । ‘म सँग अझै पनि लक्ष्य छ, राम्रो कलाकार भएर म फेरी आउन सक्छु भन्ने अठोट छ’ , उनले अनलाइनखबरसँग भने ।