भिडियो हेर्नको माथि को बक्स मा डबल क्लिक गर्नु होस्
१७ चैत, नेपालगञ्ज । जनतान्त्रिक तराई मधेस मुक्ति पार्टी (भगतसिंह समूह) ले नेपालगञ्ज जिल्ला प्रशासन कार्यालयमा एक कार्यक्रम आयोजना गरी नेपाल सरकारलाई बम, बन्दूक र अन्य हतियार बुझाएको छ ।
सरकारलाई शनिबार बुझाइएका हतियारहरुमा नलकटुवा पिस्तोल १७ थान, सकेट बम १ सय २६ थान, घडीसहितका टाइम बम ५ थान, प्रेसर कुकर बम २ वटा र बारुद २० किलो रहेको छ । त्यसैगरी अटोमेटिक पेस्तोल १ थान, हाते गि्रनेट ६, भरुवा बन्दुक १, १२ बोरको कारतोस २१, तार फ्युज आधार रोल र १२ बोरको बन्दुक ३ वटा रहेका छन् । ३६ गि्रनेट एउटा । डेटोनेटर ५, डाइनामाइड १ थान, श्रीनटथ्री र एसएलआरका गोली २७ र पेस्तोलका गोली ३ थान समेत सरकारलाई जिम्मा लगाइएको छ ।
वार्ता टोली संयोजक मनोज मण्डल सुवासको नेतृत्वमा हतियार बुझाइएको हो । हतियार जिम्मा लिने कार्यक्रममा निमित्त प्रमुख जिल्ला अधिकारी चक्रपाणि पाण्डे,बाँकेका प्रहरी प्रमुख एसपी भूपालकुमार भण्डारी र सशस्त्र प्रहरी सीमा सुरक्षा बलका एसपी वीरेन्द्रराज श्रेष्ठलगायतको सहभागिता थियो । सशस्त्र समूहका बब्लु भन्ने सहबाज आलम खाँ प्रल्हाद महरा, साजन मुकेरी र मनोज मण्डलको उपस्थिति थियो ।
हतियार जिम्मा लिने कार्यक्रममा बाँकेका निमित्त प्रमुख जिल्ला अधिकारी पाण्डेले हतियार छाडेर शान्ति प्रक्रियामा आएकाले शान्ति सुरक्षाको आवइश्यकता परे सरकारले सुरक्षा दिने बताए । जिल्ला प्रशासनले हतियार बुझेको खण्डमा बर्दियामा पनि यसैगरी हतियार बुझाउने मनोजले कार्यक्रममा बताएका छन् । आफूहरुले संगठनको अस्तित्वका लागि हतियार बोकेको भन्दै कसैलाई यसबाट दुख पुगेको भए माफी दिनसमेत आग्रह गरे । उनले जातीय आधारमा संघीयता हुन नहुने समेत बताए । आफूहरु वैचारिक ढंगले संघर्षमा लाग्ने उनले बताए ।
Post a Comment
http://filmysangalo.blogspot.com/ कुनै मान्यता प्राप्त पत्रकार बाटसंचालित होईन | यो ब्लग बाट प्रकासित हुने सामाग्रीहरु नेपालको मान्यता प्राप्त पत्रपत्रिकाहरु र Youtube बाट प्रतिलिपि गरी Facebook मार्फत श्रोता सामुपुर्याउने सानो जमर्को मात्र गरेका हौ |
Note: Only a member of this blog may post a comment.