घर ठड्याउन के गरिन् सुमिनाले ?

भिडियो हेर्नको माथि को बक्स मा डबल क्लिक गर्नु होस्

वास्तविक जिवनमा पनि नायिका सुमिना घिमिरेले काठमाण्डौमा घर ठड्याएकी छिन् । उनले केही महिना अघि काठमाण्डौको शंखमुलमा ७५ लाख लगानी गरेर घर किनेकी छिन् । सुमिनाले उक्त घर फाइनान्स, आफ्नो कमाइ र घर परिवारको सहयोगमा किनेको अनलाइनखबरलाई बताएकी थिइन् ।वास्तविक जिवनमा जस्तै चलचित्रको पर्दामा पनि नायिका घिमिरेको घर किन्ने उच्च महत्वकांक्षामा आधारित रहेर तयार भएको चलचित्र ‘नाइन ओ क्लक’ को प्रिमियर गरिएको छ । चलचित्रमा नायिका घिमिरेले काठमाण्डौमा घर किन्न, सुखसयलमा जिउनका लागि यौन पेशा अपनाएको देखाइएको छ । बिहिबार बेलुकी चुच्चेपाटी स्थित केएलटावरमा चलचित्रको प्रिमियर गरिएको हो । प्रिमियर कार्यक्रममा केही चलचित्रकर्मी र पत्रकारहरुको उपस्थिती थियो । प्रिमियर कार्यक्रममा नायक सविन श्रेष्ठ, मुकेश आचार्य, नायिका कल्पना शाही पनि सहभागी थिए ।बाबुराम ढकालको निर्देशनमा तयार भएको यो चलचित्रलाई रमेश संवेदनाले निर्माण गरेका हुन् । चलचित्रमा नायक ध्रुब दत्तको पनि अभिनय छ । यस्तै चलचित्रमा समावेश एक आइटम गीतमा नायिका करिश्मा मान्धर र नायक मुकेश आचार्यलाई देख्न सकिन्छ ।चलचित्र ‘नाइन ओ क्लक’ काठमाण्डौका सम्पुर्ण मल्टिप्लेक्स हलमा लागेको छ । यो चलचित्र काठमाण्डौको सीभील मल, एफक्यूब, बीग सिनेमा लगायतका मल्टिप्लेक्समा लागेको निर्माता रमेश संवेदनाले जानकारी दिए ।