चलचित्रको बर्गीकरण लागू नहुँदै अप्ठ्यारोमा, सर्वोच्च पुगे चलचित्रकर्मी

भिडियो हेर्नको माथि को बक्स मा डबल क्लिक गर्नु होस्

चलचित्र बिकास बोर्डले एक महिना भित्र लागू गर्ने तयारी गरेको चलचित्रको बर्गीकरण प्रक्रिया अप्ठ्यारोमा पर्ने छनक देखिएको छ । चलचित्र बिकास बोर्डले अवैज्ञानिक प्रक्रियाबाट सिनेमाको बर्गीकरण गर्न लागेको भन्दै नेपाल चलचित्र समाज महासंघले रीट दायर गर्ने तयारी गरेको हो ।‘हाम्रो तर्फबाट सबै तयारी भइसकेको छ, अब सर्बोच्चले के गर्छ, केही बेरमै थाहा हुन्छ’ महासंघका अध्यक्ष केपी पाठकले सर्बोच्च परिसरबाट अनलाइनखबरलाई भने । उनका अनुसार संचारमन्त्रालय, संचारमन्त्री, संचार सचिव, चलचित्र बिकास बोर्डका अध्यक्ष र बोर्डका सदस्य सचिवलाई विपक्षी बनाएर रीट दायरको तयारी गरिएको हो । ‘सिनेमाको बर्गीकरण सर्जगको सिर्जनालाई निरुत्साहित पार्ने हेतुले गर्न लागिएको छ’, केपीले भने ।