६ लाखमा सहमतीमा आए रेजिना र कविता

भिडियो हेर्नको माथि को बक्स मा डबल क्लिक गर्नु होस्

नायिका रेजिना उप्रेतीमाथि निर्मात्री कविता श्रेष्ठले केही दिन अगाडि उजुरी दिएकी थिइन् । चलचित्र 'बरदान' सह निर्माण गरेपछि आफूलाई पैसा नदिएको भन्दै कविताले रेजिनामाथि उजुरी दिएकी थिइन् । तर उनीहरुलाई चलचित्र निर्माता संघका अध्यक्ष राजकुमार राईको कार्यसमिति सदस्यले मिलाएको छ । उक्त सदस्यको रोहवरमा रेजिना र कविताबीच सहमति भएको हो । सहमती अनुसार नायिका रेजिनाले कवितालाई एक वर्ष भित्र ६ लाख रुपैयाँ दिनुपर्नेछ । त्यसै गरी बरदान फिल्मको ओभरसिज राईट रेजिना र नेपाल तथा भिसीडी राईट कविताको हुनेछ । निर्माता संघको कार्यसमिति सदस्य समेत रहेकी श्रेष्ठले एक वर्ष भित्र रेजिनाले रकम चुक्ता नगरे उजुरी उल्टिन सक्ने बताएकी छिन् । उता रेजिना उप्रेतीले भने ६ लाखमा सहमतिमा आउनु थियो भने कविता पहिले पनि सहमतिमा आउन सक्ने बताएकी थिइन् । उनले कविताले एक महिनासम्म आफ्नो बेइज्जत गरेको बताएकी छिन् । रेजिना र कविता बिचको सहमतीमा वरदानका निर्देशक शोभित वस्नेत, संघका उपाध्यक्ष रोज राणा, महासचिव केशव भट्टराई, प्रवत्ता सुरेश दर्पण पोखरेल, सदस्य माधव वाग्ले, विरेन श्रेष्ठ र डिग खड्का उपस्थित थिए ।