उत्कृष्ट ११ मा रोनाल्डो परेनन्, मेस्सी र पेले फवार्ड -

भिडियो हेर्नको माथि को बक्स मा डबल क्लिक गर्नु होस्

१९ असार, काठमाडौं । फुटबलको इतिहासमा अहिलेसम्मका राम्रा खेलाडीहरुलाई मिलाएर उत्कृष्ट ११ चयन गर्ने हो भने कस्तो टिम बन्ला । यस्तो बन्यो भने अहिलेका को को स्टार पर्ला भन्ने धेरैको चासोको विषय बन्छ ।

वर्ल्ड सकर म्यागाजिनले पत्रकार, म्यानेजर र पूर्व खेलाडीहरुको मतका आधारमा फुटबल इतिहासको उत्कृष्ट ११ को घोषणा गरेको छ । तर, रियल मडि्रडका स्टार क्रिष्टियानो रोनोल्डो भने टोलीमा परेनन् । अर्जेन्टिनाका लिओनल मेस्सी भने फवार्डमा परेका छन् ।

गोलरक्षकमा भेल यासी छन् । यनी फिफा प्लेयर अफ दि इयर घोषित एक मात्र गोल रक्षक हुन् । उनले आफ्नो करियरमा १ सय ५० पेनाल्टी मात्र रोकेको थिए । तीन विश्वकप खेलेका उनले १९५६ को ओलम्पिकमा गोल्ड मेडल जितेका थिए ।

ब्राजिलका काफ्यू, बेलायतका बोबी मूर, जर्मनका फ्रान्ज बेकनबावर र इटलीका पाओलो डिफेण्डर छन् भने रियलका अल्फ्रेडो डि स्टेपनो, हल्याण्डका जोहान, फ्रान्सका जिनेदान जिदान र अर्जेन्टिनाका म्याराडोना मिडफिल्डरमा छन् ।

फुटबल इतिहासको उत्कृष्ट ११ को फवार्डमा ब्राजिलका पेले र अर्जेन्टिनाका मेस्सी छन् ।

उत्कृष्ट ११ मा परेका मध्ये मेस्सी मात्र हाल खेलाडी हुन् । अन्य सबै आफ्नो समयका स्टारहरु हुन् । उनीहरु मध्ये पेले र म्याराडोनालाई फुटबलका महान हस्तीका रुपमा लिइन्छ । हाल बार्सिलोनाबाट व्यवसायिक फुटबल खेल्दै आएका मेस्सीले कीर्तिमानी ४ पटक उत्कृष्ट खेलाडी घोषित भएका छ ।